[صياد الطيور]

لاديفانص القوس الكبير وهو على محور قوس النصر


غابة بولونيا غرب باريس


غابة فانسن جنوب شرق باريس


قصر فرساي جنوب غرب باريس


فونتنبللو جنوب باريس



الأطباق الشهيرة:انتركوت الا نيسواز، ستيك تارتار، تورندو او بوافرون، كوت دو فو ان بابييوت، بيفتيك اليستراجون، صول نورماند.

الفنادق:
ملاحظة: فنادقهم *** نجوم نقصد بها ***** نجوم في ديرتنا والله المستعان.
ميلينيوم اوبرا****
قريب من دار الأوبرا والمحلات التجارية وهو فندق من عام 1927م وكلاسيكي.


فندق سيروتيل لوسيس***
قريب من السوربون وفي الضفة اليسرى من المدينة، وهو فندق تقليدي.


فندق هويتل دي فيكتوري***
فندق مريح ويوازي **** نجوم عندنا.


فندق روبلين الجديد***
قريب من الشانزلزيه وبلاس دي لاكونكورد وفي ارق أحياء باريس وهو أجواء القرن الثامن عشر وهو من ابرز فنادق ***.


فندق أمبير***
فندق جديد وذو سمعة جيدة وقريب وعلى مسافة 15 دقيقة مشيا من قوس النصر.


دوميني فندوم***
يقع خلف حدائق تويليري بالقرب من متحف اللوفر، ويقال أن فيه انطلقت الثورة الفرنسية.


مادلين بلازا***
يقع في مكان بارز في بلاس دي لامادلين قريب من الشانزلزيه وقوس النصر.


رويال فورمنتين***
في السابق كان كباريه لكن حولوه لفندق ويقع بالقرب من مونت مارتر.


الشقق:
شقق ستيادين مونت مارتر:
في قلب باريس وقريب من ساكركور.


سيتادين برج ايفل:
قريب من كل شي.


سيتادين لوفر:
خلف حدائق باليه رويال ومن اللوفر قريب.




أقول لا يكثر............
عقب ها لمقدمة اللي مدري وش تبي خذوا الكلام السنع.
قررت وبلا مقدمات الذهاب لباريس وصراحة كانت الرحلة سياحة ومنها قضاء حوائج ومشتريات للأهل (يمدحون حراج بن قاسم) المهم رافقني في الرحلة واحد من الشباب الله يذكره بالخير، وفي باريس تلاقينا مع شباب اخويانا في الرياض، وطبعا السكن حجزت من احد المكاتب السياحية في الرياض كان ها لكلام في شهر أغسطس.


للوصول إلى باريس هناك مطارين دوليين هما:
مطار اورلي ويبعد 14كلم عن باريس.
مطار رواس شارل ديغول ويبعد 25كلم من باريس وهذا اللي وصلنا عن طريقه وهو شكله دائرة كبيرة.




وصلنا باريس وكان الوقت قبل ما يذن الظهر عندهم(فيما معناه) وركبنا مع تاكسي اللي أوصلنا للاوتيل اللي سبق وحجزناه، بلا مشاكل أو إزعاج رحنا لغرفنا واديها نومة .................................................
في الليل صحيت وصحيت ابو الشباب وتجهزنا وطلعنا للشانزلزيه نشوف وش لنا وعلينا، ورحنا وتعشينا ذاك العشا اللي يرد الروح ويحسسك انك فرنسي وصراحة اللي يروح فرنسا ولا يأكل أكلهم ما يعتبر انه راح ويقعد في ديرته أحسن له............

وبعدين رحنا سينما وهكذا اللي جاء الليل ورحنا في سهرة بريئة في احد الملاهي الليلية التي تكتض بها باريس.
المهم الاوتيل حقنا بمسافة خطوات من الشانزلزيه، يعني مايمدي صدرك
يقول انه ضايق إلا وهو يتماغط في الشانزلزيه.
رجعنا للاوتيل واتفقنا أن يكون برنامجنا ثقافي((بدينا )) ويكون اللهو واللعب اللي ما يعود لنا بالنفع نقلل منه (ايوه كذا مضبوط).


في اليوم التالي( بسرد لكم كل الأيام ورى بعض لأني صراحة ما اعرف تسلسل الأحداث)
صحيت الساعة 7 صباح واصحي رفيزي واثر كلام الليل يمحيه النهار، واتحمم وأبدل الملابس (هو أساسا فيه ملابس) ما عليكم منه...... المهم وانزل تحت وافطر ذاك الفطور......اخخخخخخخ لا تذكروني والله الجلسة مو الفطور ترد الروح ولا اللي قاعدين يفطرون لالالالاالالا ولا الجرسونات والله منقينهم........
المهم أفطرت وأنا مصحصح يعني من اللي قدامي...... وانتبهوا تراهم يحبون المرتديلا بالخنزير وتلقونها مثل مرتديلا البقر لكن فيها شوي بياض وأنا عرفتها عقب ذاك الفطور لكن ما كليتها ابد.
رجعت الغرفة ولقيت الرجال صاحي و يتحمم. طلعنا أظن الساعة 8.30 صباحا وخذها مشي اللين وصلنا لمتحف اللوفر.




بعد مااخذنا التذاكر دخلنا وشفنا المعروضات والمجسمات اللي بدون هدوم وشفنا المونليزا، وصراحة متحف جبار وماله مثيل بالعالم، ويحتوي على تحف وآثار تعود لكل الحضارات، وما قهرني اللي الجزء الإسلامي، ما خلوا شي لنا كل شي جابوه وبقينا بلا حضارة لكن مزدين فيهم.
واللوفر متحف ممتع وطريقة عرضهم أروع وهو واجهة باريس بلا منازع.



جاء يوم و رحنا لبرج ايفل وصعدنا فوق بالمصعد اللي يشيل حوالي 50شخص دفعة وحدة تقول غنم. ويوجد درج للي ما يتتن يمديه يوصل بلا تعب.

طلعنا البرج واكتشفنا باريس من ارتفاع عالي وصراحة تجربة مثيرة ومنظر خيالي ونسيم عليل ووجيه حسنة.







وبرنامجنا الصباحي غالبا ثقافي...و من العصر وفوق في الشانزلزيه وعقب الأخير في السينما عقب تناول طعام العشاء وعقبها الديسكو وهكذا...........................

صحينا في يوم بدري وقلنا على وين على وين واستقر الرأي نروح لديزني لاند، وتبعد حوالي 30 كلم من باريس. والخط خضر ودربك خضر.
رسوم الدخول بـما يعادل 50دولار يشمل دخولك ولعبك اللين تشبع آخر الليل. وغير كذا في حفلات موسيقية يسونها عقب الأخير.

المهم لما تأخذ الكرت حق الدخول روح عاد امسك سرا مقصف اللين يجيك الدور وتركب ويمكن هذا الشي اللي يتعبك شوي لكن لا تخاف على السعوديين، وصراحة لما تشوف سراااا طويل عند أي لعبة وتشوف ناس تساقط وتدخل منا ومنا أراهن أنهم سعوديين وصراحة اكسب الرهان.





في ديزني العديد من الألعاب اللي ما تتصور ووالله يجي الليل وأنت ما بعد خلصت الألعاب ولا نصفها.
في ديزني خصوصا في الصيف يسوون مسيرة لشخصيات ديزني وصراحة كرنفال رائع وتشوف كل اللي تحبهم في فلام كرتون قدامك يستعرضون ويرقصون وصراحة منظر لا يوصف. وهذي المسيرة تنظم كل ثلاث ساعات.




الا على فكرة في باريس اللي اقل من 18 ما يبعون لهم التتن لو على جثتهم المهم رفيزي معه 4 كروز تتن،، وكل يوم اعبي الشنطة حقت الكاميرا بكم بكت ويالله البزران سرا علينا خصوصا في ديزني لاند يجيك واحد وتعطيه همن ينشر على اخوياه انك فاعل خير@@ ذكروني بطرارات مكة إذا عطيت وحده تجمعوا عليك مليون.
الفرنسيين يدلعون أطفالهم خصوصا لما تدخل ديزني لاند صباحا تلقى افواج المدارس جايه يمشون الأطفال ويوسعون صدورهم الله يضيق صدرك يا أستاذ كحلوت اللي من قالك أبوي خذوه لحم وعطونيه عظم وهو مصدق.





يوجد في باريس أماكن كثيرة ترفيهية وتناسب الأطفال بحق وحقيقي وصراحة اتعب وأقول حلوة ومنها:
استريكس
وهذي ملاهي على كيفك ويلفت انتباهك قطارات الموت اللي تخوف.


اكو ابولفار
حديقة مائية وتشوف فيها شي(ن) اللهم يا كافي ، وانصح للي بيروح يلبس بنطلون بقي(وسيع)


حديقة قصر تواري
وابن أمه وأبوه يمشي على رجوله هنا......لأنها حديقة حيوانات وطالقينها يعني اقعد في سيارتك وتمشى بسيارتك وعادي تلقى القرود فوق سيارتك ولا الأسد موقفك يبي توصيلة للبطحاء شي طبيعي.






......