اقتباس:
|
كاتب النص الأصلي : Nirvana
كل شي ولا المرارة .. تفضلي احكي
أول شي يا ريت ترجعي تقرأي شو كتبت بتعرفي اني عم احكي عن شو بصير في الأردن مو عن وجهة نظري شخصياً .. تاني شي .. انا جزء مني فلسطيني وما كنت حابة احكي هالشي لأنو ما بخص حدا وما بدي برر .. ولاني عم حاول احكي بتجرد .. أنا ما عندي ولا بشكل من الأشكال عنصرية تجاه الفلسطينيين تحديدا، حتى لو حسيت من قبلهم بعنصرية ان وجدت وقد تنوجد في بعض الحالات ..
|
ما تخافي عم بحكي، أنا مرارتي غالية علي.
قرأت شو كتبتي قبل هيك وفي منه كلام سليم، ولكن بعض الكلام الي كتبتيه ( اللي علقت عليه ورح أرجع أوضح بردودي) مستفز لأي أردني من أصل فلسطيني، وتعليقي كان على كلامك الي اعتبرته غير منطقي أو متحيز ضد الأردنيين من أصل فلسطيني.
اقتباس:
1) الملك عبدالله **** شو بدي بربو .. انا ما عم دافع عنو اذا لاحظتي بردودي السابقة .. ولا عم دافع عن الحكومة ال***** الفاسدة اللي متلو.
2) بالنسبة الي الفلسطينيين والعراقيين والسوريين والمصريين .. كلهم عندي نفس الشي ..ما عندي شي ضد حدا.
3) الأردن كموارد ما بتكفي الأردنيين طبعا لما يتضاعف عددها ما رح تقدر تكفيه .. بالمنطق وبغض النظر فلسطينيين او مو فلسطينيين .. اكيد ما رح يكفي.. وانا ما قلت انو في حدا سرق خيرات حدا (شفتي مين اللي عندو عنصريتو ونيتو مو صافية) . . مين جاب سيرة السرقة ... أبدا انا ما بفكر بهالطريقة مشان هيك انتبهي لكلامك
|
1) طيب خلينا نعيد لحتى تفهمي أكتر، إنت قلتي: " بدك تقنعني هلأ انو جية الفلسطينيين عالأردن ما أثرت على الاردنيين سلبيا كمان " وكلامك يوحي إنه الفلسطينيين أثروا سلبا على الأردنيين، ولذلك أنا قلتلك إنه إذا إنت شايفه هيك، فتذكري مين اللي جابهم. هلأ كونك ما بتحبي عبدالله فهاي مو الإشكالية المطروحة، الإشكالية إنه كلامك بيدل الفلسطينيين أثروا سلبا وإنه كلامي بقللك هم ما إجوا غير من ورا راس ملك الأردن.
2) هلأ لما أنا بسألك شو التأثير السلبي للفلسطينيين فيا ريت تجاوبيني، مو تحكيلي الفلسطيني متله متل غيره من العرب، لأنه هاد الكلام بحد ذاته تمييز ضد فلسطينية الأردن. كيف يعني الفلسطيني متل السوري متل المصري؟ ما يكون عندك شي ضد حدا افهمناها، بس هاد ما كان سؤالي أصلا، و هلأ الفلسطيني الي صرله 70 سنة بالأردن ومعه جنسية صار متل المصري الضيف؟! رجاء اشرحيلي هالجملة وبلا لف دوران. فهمت إنك مو عنصرية وفهمت إنك ما بتكرهي حدا، بس فهميني كيف بتساوي بين الفلسطيني (الأردني) والعرب الضيوف من باقي الدول؟
3) ما رح تلزقي العنصري فيني، لما إنت بتقولي بالحرف الواحد إنه الفلسطينيين أثروا سلبا على الأردنيين، فبدي أعرف كيف أثروا سلبا، وللآن ما جاوبتيني على سؤالي وهو واضح
"كيف أثروا سلبا؟" وعن أي أردن بتحكي الي لما يتضاعف عددها؟
مهو الفلسطينيين صرلهم من ال48 في الأردن، وهم أكتر من النصف، يعني ضاعفوا العدد وزيادة كمان بس هاد الحكي أيام زمان، أيام ما الملك كان بده شعب. بصراحة ما عم بفهم عليكي بالمرة بكلامك. هل بتقصدي إنه فلسطينيو الأردن الي صرلهم 70 سنة ما بيقدروا يقتسموا الموارد مع الأردنيين الي أصلهم أردني ولا شو بالزبط؟ رجاء أن توضحي نقطتك أكثر، أو إذا بتحبي أنا رح وضحلك كيف فهمتها:
نفترض إنه الأردن دولة إسلامية مثلا، وفيها أردنيين مسيحيين ومسلمين، فلما الواحد يحكي إنه موارد المسلمين ما رح تكفي للمسيحيين، فهذا بحد ذاته إقصاء للمواطن الأردني المسيحي وإشعاره بأنه دخيل.
هيك أنا فهمت كلامك بخصوص فلسطينية الأردن، ويا ريت تصححيني إذا غلطانة.
اقتباس:
شو دخل هالشي بالعنصرية .. انا ما قلت انو لازم الفلسطينيين يطلعو من الأردن .. انا قلت موارد الأردن قليلة حتى عالأردنيين
|
استغفر زيوس وأتوب إليه من كل وز عظيم. 
طيب شوفي حبوبة، رح أحكيها لحتى تبلعيها، العنصرية هي لما جزء من الشعب ينظر إله على إنه دخيل ويعامل كذلك. إنتي بتحكي بفلسطينيين وأردنيين (مع إنه فعليا أو تقنيا يعني كلهم أردنيين مادامهم مواطنيين بجنسية) وأنا كمان بضطر أستعمل هالمصطلحات، بس إحنا الي عم نحكي عنهم هم الأردنيين بأصل أردني والأردنيين بأصل فلسطيني، ولما تضلك تحكي إنه الموارد حتى للأردنيين ما عم تكفي فأنت كأنك عم بتعطي الأولوية للأردني من أصل أردني. يعني إذا بدي أستخدم مثال بسيط، زي لما بتحكي الطبخة حتى لأهل البيت يا دوبها تكفي، فكيف بدنا نصب للجيران؟ والأردنيين بأصل فلسطيني المفروض إنه من أصحاب البيت مو جيران. يعين إقصائهم كلاميا يعتبر تحييز ضد فئة من الأردنيين بسبب أصلهم. هلأ يمكن إنت مو عنصرية، بس كلامك في تحييز كبير وما بعرف إذا إنت متقصدة هالشي ولا عفوي يعني 
موارد الأردن محدودة ويا دوبها تكفي الأردنيين (بكافة أصولهم ومنابتهم) مش يا دوبها تكفي الي أصولهم أردنية. هاد هو قصدي...
اقتباس:
|
فهميني هالقصة .. كيف يظهر ولاؤه .. يعني ما يعمل انقلاب عالملك .. حتى الأردني مطالب بهالشي .. لانو المعارضة عنا شكلية ومرفوضة
|
كيف بدي فهمك ياها؟
يعني يتماشى مع التيار العام الي قارف رب البلد بصور الملك، غير عن الخطاب الأردني الوطني الي دايما بذكر المواطنيين بخيرات الملك ووجوب إظهار الولاء للأردن المتجسدة بالملك والحكومة (انتبهي قلت المتجسدة، مو الأردن كأرض) ويغني مع نورمينا والفضائية الأردنية "عبدالله يا الهاشمي!". بشكل مختصر فلسطينية الأردن من وقت أيلول الأسود، وهويتهم الفلسطينية مهددة لأنه الأردن بيطالبهم بإثبات "أردنتهم" التامة ونسيان أصلهم، وبمعظم الوقت هاد الكلام بيكون انتقائي يعني إيمتى ما بدهم بيعتبوهم أردنيين وإيمتى ما بدهم بيذكروهم بأصلهم.
أنا ما عم بحكي إنهم ممنوعين يعارضوا، بس عن تيار كامل بيخون فلسطينية الأردن إذا اعتزوا بأصلهم الفلسطيني أكتر من جنسيتهم الأردنية مثلاً.
(للعلم أنا مع إن الإنسان ينتمي لأكتر من بلد إذا كانت هذه البلدان تكون هويته، وبرأيي هذا شيء صحي، ولكن المعايير الزدوجة الي يعامل فيها الفلسطينيين في الأردن -مثلما أكدتي أنتي في الاقتباس الذي سأردفه- ما بطيقها).
هذا هو الاقتباس
اقتباس:
|
انا قلت كون الاردن اردن .. ما قلت هيك لازم يكون (انتبهي شوي قبل ما تسرعي) .. بدي اعطيكي مثال .. عرب 48 معهم جنسيات اسرائيلية هل يعاملو بنفس المعاملة اللي بيتعامل فيها الاسرائيلي اليهودي أكيد لأ .. وقيسي هالشي على اي بلد .. (انا ما بقول هالشي صح .. بس بقول هاد الواقع) .. انا شخصيا بتمنى يعيش كل العالم ايد وحدة ..
|
يعني واقع الأردن إنه بيفرق ضد الأردنيين من أصل فلسطيني؟ ما بختلف معاك بهذا الشي. لما ذكرتيه بالأول فكرتك عم بتبرري بس اتضح إنك عم تسردي واقع، فبعتذر منك على هالغلط.
اقتباس:
|
وانا شو دخلني .. ما جبت سيرة هالموضوع وأساسا انا ضدو !!!!! ولا انا مع الملك وشلتو ولا مع منظمة التحرير ..
|
دخلك إنت حكيتي "اذا الفلسطينيون نسيو بلدهم وانتماءه هاد شي بخصهم .. بس مو الجنسية الأردنية السبب"، وأنا وضحكتلك إنه مو شي بخصهم، بقدر ما هو بخص سياسات الأردن وملكه. هلأ أنا فكرتك من جوقة المطبلين والمزمرين وما طلعتي هيك، بس جملتي لا تزال تحمل الصحة فيها، وما تنظريلها على إنها اتهام إلك، ولكن على إنها مخالفة لكلام إنت قلتي. بكل بساطة إنتي بتعتبري إنه الفلسطينيين نسيوا أصلهم (وكتير منهم للأسف نسيوه) هيك لوحدهم وأنا قلت لأ، النظام الأردني يتحمل اللوم بحزء كبير.
رحت بس كتير غالية للناس المعترة الي متل حالتي.
اقتباس:
برأيك ما لازم اللي عمرو عمان كما سبق وقلتي يعمرو لأخوتهم
وروحي على القرى الاردنية وشوفي كيف عايشين الأردنيين بنعيم ومتل ما قلتي قصة نسبة وتناسب.. لهيك انتي مو حاسة بالأردنيين المعترين
|
برأيك الحكومة (العادلة طبعا مو الحالية) مو لازم تعمر لكل المواطنيين الأردنيين (بغض النظر عن أصلهم؟) هذا أولاً، أما ثانيا فأنا لما حكيت إنه الفلسطينيين عمروا الأردن (مع أشقائهم الأردنيين) كان قصدي أبينلك إنهم مواطنيين متل الأردنيين الأصليين، وتعميرة البلد معروف إنها مو بس ماديا. أما إذا إنت شايفة إنه الأدنيين بأصل فلسطيني لازم يعمروا المخيمات، فهاد بحد ذاته تحييز وإقصاء لفئة من الشعب بسبب أصلها وتبرير للحكومة على تخاذلها، يعني وكأنك بتقولي الأمريكيين السود الأثرياء مسؤولين عن تحسين وضع هارلم والبرونكس، أما الحكومة الأمريكية فما تدخل لأنه في سود وضعهم منيح.
الحكومة مهمتها ما تفرق بين المواطنين، ولذلك مهمتها تحسن الوضع في المخيمات، بغض النظر عما إذا كان في فلسطينيين أثرياء أو لأ.
وبخصوص الأردنيين الي أصولهم أردنية، فأنا عارفة وضعهم في القرى والمناطق النائية وما حكيت شي عنهم لأنه نقاشنا مو عنهم، ولكن عن الأردنيين الي أصولهم فلسطينية ووضعهم في الأردن كمواطنين متساويين.
اقتباس:
الحكومة مقصرة بحق الجميع .. بالنسبة للملك حسين ذلك الكر من هذا الحمار ..
(وهاي رحنا فيها )
|
طيب عين العقل معناته كلامي فوق بنتفق في، بس المهم لو وجدت حكومة عادلة ما لازم تفرق بين الأردنيين بسبب أصولهم ولا تطنش على المخيمات لأنه في فلسطينيين أثرياء.
وهي مني كمان لحتى ما تروحي فيها لوحدك، الملك عبدالله عميل صهيوني
اقتباس:
واعتبريني ما بفهم واعتبريني عنصرية .. لانو كلامك كلو مبني على مهاجمتي باي شكل من الأشكال مع انو في مواضيع انا ما طرحتها هون لانو بالطبع انا مو موافقة عليها .. ومو موافقة اساسا عاللي بينطرح هون ..
وكونك مقتنعة اني عم بضحك على حالي ليش عم تناقشيني ...
|
إنت مو بحاجة لاعتباراتي، كل إنسان بيعرف حاله والمفروض إنه رأيي ما يهمك طالما عارفة حالك.
أنا ما بعتبرك عنصرية، أو على الأقل إنت مو مبينة عنصرية، ولكن في كلام كتبتي استشعرت منه نبرة تحيز ضد الأردنيين ذوي الأصول الفلسطينية.
وبعدين أنا ما حكيت إنك بتضحكي على حالك كلامي كان بشكل عام. غير هيك ما فهمت عليكي شو قصدك عن المواضيع الي ما طرحتيها ومو موافقة عليها، حاسة حالي ضايعة 
اقتباس:
بس بدي تفهمي ..
انو الملك عبدالله حـ*** وحكومتو أح** ..
وانو الأردنيين وأي شخص يحمل الجنسية الأردنية يجب ان تكون له حقوقه كاملة .. واي تقصير يتحمل مسؤوليته المذكورين اعلاه عبدالله وحكومتو اللي هني من البداية اعطوهم الجنسية ولازم يتحملو المسؤولية ..
وانو ما عندي شي ضد أي انسان ... بدءاً من الفلسطينيين والعراقيين وانتهاءً عند الموريتانيين والصوماليين ..
وانو العنصرية قائمة من الطرفين الفلسطيني والأردني (بس مو عند الكل لانو دائما في استثناءات عالأقل من العالم اللي بعاشرها) .
عالهامش: الموضوع هاد بدو مجلد لحالو .. ونحنا عم نحكي عن جزئية بسيطة .. والمشاكل الموجودة أكبر من كبيرة .. وكتيرة .. انا ما عم بنكر هالشي.
|
الكلام الي حكيتي كله صح، وأنا الفكرة الي بدي أوصلها بالأول إنه من المفترض ما يكون فيه أي نوع من أنواع التفريق أو التحيز بين الأردنيين من أصل أردني والأردنيين من أصل فلسطيني.
العنصرية قائمة لأنه ما في شفافية في البلد، وسياسيا ما حدا بيقدر يعبر عن حاله (وإنت أكبر العارفين) وكما قلتي الموضوع بده مجلد لحاله.
المهم شكلي شليت عرضه لهلموضوع وبعتذر لصاحب الموضوع الأصلي 