[jano.]

كاتب النص الأصلي : Donald Duck

ولك يا حبيب .. انا جبت الخمر كمثال .. ركز شوي ..

وشو خلاني افكر انو العلمانية فاضية لهيك امور .. ما دام العلمانية امورها اكبر من هيك .. بنخليها للمتقدمين الي في اوروبا يمارسوها ..

انت بمشاركتك السابقة كتبت "العلمانية ترفض هالشي" يعني العلمانية ترفض انو الدين يمنع الخمر (بعرف انو مجرد مثال)، وهالشي مو صحيح! العلمانية بتعطيك حريتك بالخضوع للفرائض او لا، لانها بتهتم فيك انت شخصياً بعيداً عن أي دين. بعدين معقول ما بتكفي الفرائض الدينية للمؤمن انو يخضعلها؟! يعني ضروري تجي الدولة كمان لتفرض الشغلة مشان حضرة المؤمن يخضع؟!

بعدين اذا انت بتامن بالديمقراطية .. بعرف انو بالنظام الديمقراطي الشعب الي بحدد نوعية نظام الدولة ..

يعني اذا اغلبية الشعب بتقرر نظام معين لازم على البقية يلتزموا فيه ..

اغلبية .. ما تنسى هذه الكلمة ..

حلو كتير ..
بالنسبة للاغلية: انشالله مفكر انو كل الناس متلك بتظن انو هدف العلمانية هو القضاء على الدين؟!
اذا انت بترفض العلمانية، فبحب قلك انو كتيرين غيرك مؤمنين بدينون وبيطالبو بالعلمانية أو بيقبلوها أو ناس ما رح يحسّو بأي تغيّر اذا اتطبقت العلمانية. (ما قدرت حط غير خط واحد تحت الكلام !).

انت ذكرت احدى اهم اسس الديمقراطية ومجرد لجوءك لهل قاعدة لترفض العلمانية ما بيعني بالضرورة اني صدق انو شغلة "الاغلبية" هي أمر صحيح او انو الناس عرافين شو هيي الديمقراطية.
انا بآمن بالديمقراطية، لكن لما تجي لتعتمد على الديمقراطية عشان تحقق الي بدك ياه فلازم تكون انت كمان مؤمن بالديمقراطية، اذا ما انوجد هالشرط فخلينا نترك الديمقراطية عجنب، فينا نكتب بهالموضوع شوي ونتسلى ونروح ننام بس اهم شي ما نستغل الديمقراطية لانها اكبر من هيك بكتير.. الديمقراطية ما بتضمن فقط رغبة "الاغلبية"، الديمقراطية بتضمن شغلات تانية وكتيرة كمان، بتضمن حقوق الجميع وبتضمن حرية الفرد الي ما بدو يخضع لقيود معينة.