اقتباس:
كاتب النص الأصلي : صياد الطيور
هلق أنا مو بصدد الدفاع عن النظام الجمهوري أو الملكي لأنو لك من النظامين تاريخ فاشل وتاريخ ناجح .. حتى بأوربا في عدة دول و عظمى كمان مستمر فيها النظام الملكي ..
بس أنا بدي عقب على مصطلح ( جريمة التوريث ) و هون رح أرجع لموضوع نقاش صار بأخوية و من أكترمن 3 سنين و هو مين سبب التوريث و مين فاعل جريمة التوريث اذا كنت شايفهة جريمة على حد تعبيرك
التوريث تم بعد وفاة القائد الخالد حافظ الأسد .. اذا الزلمة ما كان فوق راس الي عمل التوريث و عمل تعديلات على الدستور و طالع قرارات جمهورية تناسب حجم الدكتور بشار الاسد
و كمان ما فيك تتهم الدكتور بشار الاسد بتعديل الدستور لأنو لتاريخ هديك اللحظة ما كان ألو أي دور سلطوي بالدولة ...بقى فيك تقلي مين المسؤول عم جريمة التوريث ؟ و شو مصلحتو منها ؟.
|
يعني بفهم من كلامك انو هالمسكين بشار ما كان دريان بشي وفجاة هيك دقوا علي الباب وباسوا ايدو ليصير رئيس
التوريث فكرة اخترعها الاسد الاب وهي ناتجة عن حقدو على الشعب السوري واصرارو على اذلال هالشعب حتى بعد ما يموت حضرتو
بدأت الفكرة مع تحضير باسل الاسد وبعد سنوات طويلة من التحضير شاء رب العالمين ياخدو ونكاية بالشعب تم استدعاء الاحتياط الابن التاني بشار من لندن وقطع دراستو والبدء بتدريبو علما انو ما كان الو اي علاقة بهالقصص وماكان حدا بيعرفو ولا الو اي نشاط علني باي مجال
وتم سحب ملف لبنان من خدام وتسليمو لبشار كنوع من التحضير و تكفل ابوه بازاحة الروس الكبيرة اللي ممكن تهدد الوريث متل الشهابي وعلي دوبا
فقضية التوريث هي جريمة مسبقة ومحكمة التخطيط تماما متل بقية جرائم حافظ الاسد بحق الشعب السوري