إلى VivaSyria
هلأ يعني إنت بتوافقني بشغلة إنه اليهود بحبوا إسرائيل مو هيك؟؟؟؟؟؟
معناها ما بصير نعتمد على نصائحهم بشأن إيران وحزب الله مو
وبعدين إذا إنت عم تقلي هلأ إنهم معهم حق يحبو إسرائيل إيه معناها شلون هم مناح؟؟
لك إذا الواحد قاعد ببيتك وعلى أرضك بتقول والله معو حق لأنه بيتي آمن وواسع ؟؟
ومشان شغلة يهودي ساعد العالم أحسن من مليون مسلم ما ساوو شي إيه هي مقارنة فاشلة
ما يصير تقارن بين شغلتين ما في بينهم ترابط
و مشان شغلة الفخر بالأجداد معك حق ما رح يفيدونا بس معنويا بفيدونا كتير
وبعدين لازم تفهم شغلة العالم ما تقدم وسبقنا ونحن قاعدين محلنا ولكن نحن تراجعنا
كان المسلمين بزمن هارون الرشيد بصنعو ساعات وهلأ ما بنعرف نصلح ساعة
كانو يأمنو بشغلة الجاذبية الأرضية بس نحن نسيناها وارجعنا أخدناها من نيوتن ومن الغرب
لك كان عنا نظريات بالرياضيات نحن الي عرفناها وعلمناها للعالم وهلأ عم نتعلمها منهم و.. و.....إلخ وحدث ولا حرج
وبالآخر بحب قلك بدل أن تلعن الظلام أوقد شمعة
|