اقتباس:
كاتب النص الأصلي : wile
إلى VivaSyria
هلأ يعني إنت بتوافقني بشغلة إنه اليهود بحبوا إسرائيل مو هيك؟؟؟؟؟؟
معناها ما بصير نعتمد على نصائحهم بشأن إيران وحزب الله مو
|
مافينا نكمل نقاش بهالطريقة التخوينية... مين معتمد على نصائح اسرائيل؟؟ مين جاب سيرة اسرائيل؟؟ وبتصور عطيتك متل انفلونزا الطيور والخنازير.. اذا أي حدا بيتحفظ على تصرفات ايران بيكون عم يعتمد على نصائح اسرائيل معناها كل الدنيا عملاء لبعض...
اقتباس:
وبعدين إذا إنت عم تقلي هلأ إنهم معهم حق يحبو إسرائيل إيه معناها شلون هم مناح؟؟
لك إذا الواحد قاعد ببيتك وعلى أرضك بتقول والله معو حق لأنه بيتي آمن وواسع ؟؟
|
إنتبه انو انا حكيت من وجهة نظر اليهود "الصهاينة تحديداً" وأنا ماقلت انو مناح بقا رجاءً لاتقولني شي انا ماقلتو... انا كل شي قلتو مافيني قول عن أي حدا انو سيئ لمجرد اتباعو دين معين نقطة أول السطر..
اقتباس:
ومشان شغلة يهودي ساعد العالم أحسن من مليون مسلم ما ساوو شي إيه هي مقارنة فاشلة
ما يصير تقارن بين شغلتين ما في بينهم ترابط
|
هي مانها مقارنة وانما هي مفاضلة والغرض منها واضح بتصور وهو انو مقياس الحكم على البشر هو مدى فائدتهم لمجتماعاتهم وللبشرية وليس أديانهم...
برجع بقلك انت بالنسبة إلك اليهودي يلي اخترع دوا للكوليرا ومسخر عمرو للابحاث الطبية كرمال اطفال افريقيا أحسن ولا المسلم يلي مقضيها بالكبريهات أحسن؟؟؟
عم قارن بين حالتين متعاكستين مشان ورجيك انو غلط يكون مقياس حكمنا على البشر هو أديانون بغض النظر عن أفعالون...
بترجاك حاج لف ودوران على الحكي لأنو بعرف انك فهماني منيح
اقتباس:
و مشان شغلة الفخر بالأجداد معك حق ما رح يفيدونا بس معنويا بفيدونا كتير
وبعدين لازم تفهم شغلة العالم ما تقدم وسبقنا ونحن قاعدين محلنا ولكن نحن تراجعنا
كان المسلمين بزمن هارون الرشيد بصنعو ساعات وهلأ ما بنعرف نصلح ساعة
كانو يأمنو بشغلة الجاذبية الأرضية بس نحن نسيناها وارجعنا أخدناها من نيوتن ومن الغرب
لك كان عنا نظريات بالرياضيات نحن الي عرفناها وعلمناها للعالم وهلأ عم نتعلمها منهم و.. و.....إلخ وحدث ولا حرج
|
هاد كلو تصديق على كلامي انو لازم نطلع من حالة المباهاة بقرعة خالتنا هي ونعيش بالواقع بقا وحاج أفلمة وابن سينا وابن خلدون وصرنا اخر العالم من ورا هالحكي..
اقتباس:
|
وبالآخر بحب قلك بدل أن تلعن الظلام أوقد شمعة
|
وأنا بدي قلك انو ايقاد كل شموع الدنيا مابيقدم ولابيأخر شي اذا كان في ظلام بداخل أرواحنا.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!