اقتباس:
كاتب النص الأصلي : توم و جيري
ما بيفرق عن بوش ..
وهاد خطاب احلام وردية ...
وخصوصا لما قال اميركا واسرائيل بينهما رابط لاينكسر ..
خالصين هون انتهت القصة ..
|
خليك فارض سوء النية دائماً وماتشتغل على مصالحك الاستراتيجية... واذا كنت ناطر انو باراك أوباما يعلن الحرب على اسرائيل وتحررلك الجولان وفلسطين فخليك ناطر...
والخلود لرسالتنا
اقتباس:
كاتب النص الأصلي : Abu ToNi
وانا عم اسمعه ما حسيت في قدامي رئيس الولايات المتحدة بقد ما حسيت في قدامي شي رئيس يساري اسرائيلي ..خطابه كان طالع من عضم اليسار الاسرائيلي من ناحية النظرات والتوجهات لا بل المطالب حتى !!
الشي الوحيد الـ " غريب" بالموضوع كان موقفه "الإيجابي " من حركة حماس واعتبارها جزء من الشعب الفلسطيني بعكس العادة اللي تعودنا نسمع فيها كلمات النقد وترأس قائمة الارهاب
عنيّ وعليّ ما فرقت بينه وبين بوش غير بالـ" سلام عليكم " تبعه
|
لاء غابي غلطان كتير.... بالفعل احسن من هيك مابيجي وشوف معي هالإيجابيات يلي بالخطاب:
1- الزلمة اعترف بحماس واعترف بشعبيتون بالشارع الفلسطيني وما اتهمهون بالارهاب وفتح ابواب الحوار معون...
2-أنهى حالة العداء للاسلام(خطوة بداية على الأقل) من خلال زيارتو للمساجد واستشهادو بالقرأن بعدة نقاط واعترف لشعوب المنطقة بممارسة عقيدتها الدينية واسقط صفة الارهاب عن العرب والمسلمين خصوصاً وهي لحالها نقلة نوعية...
3-أسقط الغطاء عن الاستيطان...
4-لم يقبل بالاعتراف بالقدس كعاصمة لاسرائيل...
5-فتح باب الحوار مع العرب بشكل واضح للوصول لنقاط مشتركة..
يعني كبداية صدقني كتير منيح كان الخطاب وبالنهاية هاد حطاب... بس نحنا عنا مشكل انو دائماً منتخيل انو نحنا محور الارض وبدنا القصص تصير ونحنا نايمين..
اذا منشتغل على مصالحنا مع باراك اوباما اليوم صدق خلال كم سنة لنوصل لمكان جيد بالعلاقة مع اميركا... ومتل ماني شايف الزلمة صادق بتوجهاتو... أو خلينا نفرض هيك حتى يثبت العكس ومانطفشو للزلمة بخطابات مشابهة لخطابات بن لادن...
اقتباس:
كاتب النص الأصلي : Abu ToNi
أبو الفود ما بعرف ليش هلمقطع ما زبط معي
انت بتعرف حجم اللوبي الصهيوني بأوروبا وبتعرف بأننا وقت عم نحكي على اسرائيل والحلف الأميركي ما منكون عم نحكي بس على المنطقة الجغرافية اللي محدود من الشمال بلبنان وسوريا ومن الشرق الأردن ومن ..الخ بقد ما عم نحكي على لوبي فعال بالعالم اجمع قدر غصبا عن راس الكل يأنشأ دولة بمنطقة جغرافية هوي اللي اختارها ووجود الدولة مانه سبب قوة بحد ذاته بقد ما هوي احد نتائج تجسيد قوته على أرض الواقع
|
كلامك صح بس هالحالة يلي وصلها هاللوبي هي بسببين اول سبب غياب العرب عن هالساحة ومصداقيتون بالدفاع عن قضاياهون... والتطرف الامريكي ببعض الادارات يلي كان رافض لاي تبادل مصالح مع العرب...
بس حالياً هالشي اتغير ومتل ما أجمع الكل أميركا اليوم فاتحة على الكل وحاطة مصالحها كأولوية... فواجبنا نسغل هالشي صح على أمل نوصل لمكان ما وما نضل عم نسب على الجماعة وهنن (حتى لو بعدو كلام لهلئ) فاتحين بواب الحوار والتفاهم.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!