[..Jimy]

اي صحيح ابوطوني ..

لمستوي اللي عنا ( الورقة ) جاية عليها حرف الـ A + القلب بشكل عامودي إلى حد ما على مستوي الورقة هلشي أوحالي بأنه الصورة ملعوب فيها فوتوشبيا لتطلع بالشكل هاد اضافة أنه حدود حرف الـ A الكبيرة مرسومة بدقة كبيرة ومعمول الها تعبئة صعب انها تصير على ارض الواقع بأي قلم رسم أو تحبير .

صحيح هالحكي..انو حرف الـ A والقلب..ما من مستوي الورقة وهنن فعلا عاموديين على مستوي الورقة..

السبب انو حرف الـ A والقلب مجسمات..

ومن حق اي مصور يستخدم اي خدعة ليحصل عالنتيجي المطلوبي.. هاد حقي..

انا ضليت ساعة عم لون بحرف الـA لحتى يطلع لونو غامق بدرجة الكتابي عالورقة..وجرت عدة محاولات لأني القط الصورة دون ما ينعكس ضو الفلاش على الورقة أو على حرف الـ A أو يكون بدرجة متساويي..

هاي مشان اول نقطة..

اضافة بأن الصورة أقرب للرسمة منها للوحة كون الفكرة اللي عم تأديها مرسومة وليست مصورة ( يعني الفكرة مانها بالزاوية ولانها بالهامش الفوقاني للصورة .. الفكرة كلها متمحورة بالجزء المرسوم رسما واللي هوي بحالتنا كلمة amarta ، يعني لو حدا راح صور الموناليزا أو لوحة الخلق الجدارية تبع آنجلو برأي الشخصي ما بيستحق يدخل بالمسابقة لأن المسابقة للتصوير مو للوحة أو للرسمة .

عزيزي انا مصور دفتر عليه نص ومجسمات متناسقة مع هالنص.. والمعنى يلي عم حاول وصلو كان علاقة الحرية بالورقة والقلم.. ونفذت الفكرة بطريقة معيني متل ما انا حسيتها افضل..

ايضا ذكر مرة العضو ليوناردو انو الصورة مو من تصويري..وقتها حسيتو عم يقلي حرامي..لكن بعدها وبرد لاحق إلو بالبريد ظهر انو مصدق انو من تصويري بس ما مقتنع بترشحها لأن عحسب تعبيرو أنو المسابقة لتصوير "منظر معبر" وما بعرف كيف اجيتو هالفكرة أو وين شاف عبارة بتطلب بتصوير "منظر معبر"..

وبعدها صار الموضوع عادي بالنسبي إلى بحيث زالة تهمة السرقة.. حسيت انو يمكن يكون فهمان المسابقة غلط أو انو ذوقو الفني بيشوف انو صورتي "شقفة ورقة" مو مستاهلي وبالحالتين هيدول امور خاصة فيه وحدو وأنا ما الي علاقة فيهن..

تحياتي