اقتباس:
|
بالحقيقة فيما يتعلق بقول غاندي اعتقد اننا نظلم القانون لو قلنا ان عدالته عقاب.. اذا كنا تنحدث عن قوانين مثل قوانين العقوبات فكلامه صحيح .. انما لو تحدثنا عن القوانين المدنية "تجارية او مدنية او شخصية" فهنا لا وجود للعقاب انما محاولات جادة وحثيثة لتحقيق عدل ومساواة بين البشر..
|
سلامات بدايه ً ..
فيما يخص قول غاندي فبرأي مقولته ان العداله اللي بيجلبها القانون هي عقاب ، هي عقاب قبل وقوع الخطأ أو لتفادي خطأ وقع فيه شخص تاني (( فيما يخص الاحوال المدنيه )).. يعني كمثال على ذلك في هون بيشيكاغو قانون للسير اسمو قانون "سكات أو Scott " هالقانون بيقتضدي انـّو اذا في عمال\ شرطه \ اطفاء .. الخ بالطريق عم يمارسو شغلهم أو متجهين نحو شغلهم فلازم السيارات التانيه تاخد يمينها و توقف او تمشي ببطئ شديد جنبهم اذا كانو خارج مراكبهم و هالقانون ما كان موجود قبل 2000 و طلع على اثر حادثه صارت لشخص اسمه Scott (( سكات )) ..هوّ عامل اطفاء توفي عم يمارس شغله على اثر انو شخص ضربه بالسياره .. و بذلك طلع هالقانون اللي هوّ فيينا نقول عقاب لكل الولايه على حادثه صارت لشخص واحد .. و هلأ بكتير احيان ناس بتاخد مخالفات على هالقانون بدون ما يكون في خطر على حياه أفراد الشرطه او الاسعاف او غيره .. يعني مجرّد انو ما بطئ السائق بالقرب من سياره اسعاف فهالشي بيعطيه مخالفه ماليه كبيره و هاد الشي غير عادل برأي .. مع انو اللي بيقرا القانون (( و انا ايضا ً )) بشوفه ضروري لحمايه أفراد عم تقوم بمهمه حمايه المجتمع لكن بنفس الوقت بشوفه عقاب .. يعني بمعنى آخر مش بالضروره يكون العقاب سيئ فقط انما قد يكون اله جانب ايجابي و لكنه عقاب ..
اقتباس:
* تُعتبر الآن القوانين التي دعمت العبودية قوانين غير عادلة رغم كونها صادرة عن حكومة شرعية ومستقرة
مثل قانون العبد الآبق في الولايات المتحدة الأمريكية عام 1850.
|
للصراحه و لأنو هالموضوع (( موضوع السود )) بيشدني بشكل عام و بما انو نفس فكره قانو التجاره اللي ذكرتيه فرح اكتفي بالقاء الضو هون ..
اقتباس:
كل شخص أسود يستحم في بوتومك أو روك بين الخامسة صباحا والتاسعة مساء يعاقب بالجلد في مكان عام.. -أي أسود يطير طيارة ورقية سوف يعاقب بالجلد.. -أي أسود يضبط وهو يتفرج على ألعاب مبارزة الديوك يعاقب بالجلد 39 جلدة..
|
على ما اعتقد انو هالقانون في ملحقات قانونيه اله كتيره يعني كانت الحقوق الانسانيه للسود مهدوره بشكل مطلق و مافي مين يدافع عنها يعني ايّ كان الاجراء اللي رح بتم اتخاذه مع لاسود مافي مين يجي يدافع عنهم .. لذلك كان لازم بالنهايه يدافعو عن حالهم ..
اذكر انو هون بولايه شيكاغو و في مسرحيه اسمها (( A Rasin in the Sun )) بتحكي عن جزء من " القانون الغير مكتوب " اللي بيقتضي بانو مش من حق السود يعيشو بمناطق سكنيه مجاوره للبيض .. و كان ببساطه من حق الابيض انو ما يبيع بيته لشخص اسود لانو بمنطقه سكنيه للبيض اي ما بتسمحلهم يعيشو فيها .. و بتنزل أسعار البيوت بكامل المنطقه اللي بتسكن فيها عائله سودا واحده ..
كان للسود أماكن مخصصه بالمطاعم و المدارس و الشوارع حتـّى و الباصات و اذكر حادثه مش كتير شهيره لسيده اسمها Irene Morganعام 1944 .. رفضت بوقتها توقف لراكب ابيض و هالشي اقتضى انها انسجنت و فيما بعد قامت Rosa Parks الحادثه الاشهر بتاريخ اميركا .. ايضا قامت برفض انها تمنح مقعدها لشخص ابيض و بعدها بلشت القصه تاخد ابعاد بحقوق السود و هكذا ..
يعني الاشخاص دائما ً فيهم يحاربوا القوانين ليحققو العداله اللي هنن شايفنها لانو العداله تأتي من القلب و مش من القانون ...
على كلّن عذرا ً ع التوسع و الاطاله و لكن شدني الحديث فعلا ً
