اقتباس:
كاتب النص الأصلي : Elephant And Castle
شباب ...احسن من هيك رئيس امريكي ما رح يجي ..من ناحية التزامو بتسوية بالشرق الأوسط و العمل على اصلاح اخطاء بوش بالعراق و غوانتنامو و غيرو ..ثانيا مين قال انو أوباما لازم يتبنى خطابنا ,,,الرجل امريكي و منيح كتير الشي يلي يقدملنا ياه ....ليش مصرين انو نوضع الأمريكي بخانة العداء .
|
مزبوط احسن من هيك مستحيل نشوف
واللي متخيل أنه ممكن يمر رئيس أميركي أفضل من أوباما بعتقد يا عم يهلوس يا اما عم يحلم
بس بتقدر تقلي شو اللي قدملنا ياه لهلق ؟
حل الدولتين مرفوض لحد ما وبالتالي هوي ما قدم شي قبلوه العالم
اما محاولة اجبار اسرائيل اللتزام بفحوى التعهدات وضبد عملية الاستيطان فلحد اللحظة الزلمة عم يحكي حكي وما شفنا منه شي .. مافي شي ورانا عم نستنى لنشوف شو بده يطلع معه ..
وبخصوص خانة العداء ما فهمت بالضبط شو بتقصد فيها
اقتباس:
|
خلينا نتطلع على حالنا و امكاناتنا و ندرس التغيير الجديد بالأدارةالأمريكية و نحاول نحصد اكتر عدد ممكن من المواقف و الأفعال الأمريكية يلي بتصب بمصلحتنا .
|
الـ نا بكلمة "خليـــنا" بتعود علينا كسوريين ولا كعرب ولا كيف ؟
لأن بتفرق كتير الفكرة من جهة لجهة
اقتباس:
|
.و اليوم عجبني بحديثو نقطة مهمة هي مقارنة الام اليهود بالمحرقة يلي على اساسها تشكلت اسرائيل بألام الفلسطينيين خلال ستين سنة ماضية ..يعني عم يقول للأسرائيلي انو الفلسطينيين بيستاهلو دولة كمان متل ما بتعتبرو انو انتو بتستاهلو دولة بسبب المحرقة ..و هدا شي جديد بالأدارة الأمريكية ...
|
ما حكى شي جديد .. بوش بيوم من الأيام نادى بنفس المطالب وحكى بنفس الاسلوب واليوم من الداخل الاسرائيلي ( وبالتحديد اليسار ) في أصوات بتشجع حل الدولتني بس في ظل هيمنة اليمين ما عدنا نسمع هلأصوات ولا من ناحية موجودة فهية موجودة .. من ناحية عم تعمل فهية ما عم تعمل شي تماما متل الخطاب تبع أوباما ..
اقتباس:
انا شخصيا ما كنت متمناه ينجح بالأنتخابات ...بس صار و نجح ..خلونا نستفيد من وجودو
في عند نقد صغير لخطابو..انو ما جاب سيرة حقوق الأنسان بالدول العربية ...يعني الأنظمة كمان لازم تنبسط ,,ما بقى في ضغط امريكي على الحكام العرب بسبب انتهاكون لحقوق مواطنون ..
|
نجاحوا بالانتخاب ما نحن اللي بدنا نستفيد منه لأن ما بتخيل هوي نجح بناء على مطالب العرب أو بناء على مصالح العرب
نجاحه كان على أمل إفادة الأمريكان " وانا ما عم انتقد هلشي بالعكس هاد هوي الصح " فبالاخير الزلمة بده يعمل الشي اللي بوافق شعبه وبلبي رغبات شعبه شو ما يكون موقفك منه وشو ما كانت الصيغة اللي حكيت فيها معه ..
من ناحية النقد فكان متل اللي عم يقول لون السما ازرق بس مانه ازرق
يعني نحن ضد فكرة الاعتراض على سياسة الحكام ومنحترم اختيارات الشعوب .. وبنفس الوقت ما رح نسكت عن الدول اللي ما بتطبق الفكر الديمقراطي المتوافق مع الديمقراطية بمنظورنا " ترا يمكن هوي شايف السعودية والمملكة الأردينة الهاشمية قمة بالديمقراطية مثلا ولبيا نفس الحكي وبنفس الوقت وشايف تركيا نموذج دكتاتوري طالع غصبا عن الشعب .. شبعرفني انا شوفي بمخه
"