[Abu ToNi]

بالقرأن ذكروا النصارى باكثر من مكان ولكن بمعنى واحد ...سأذكر اية عنهم :

«فلما أحسّ عيسى منهم الكفر قال من أنصاري الى الله قال الحواريون نحن أنصار الله آمنا بالله واشهد بأنا مسلمون. ربنا آمنا بما انزلت واتبعنا الرسول فاكتبنا مع الشاهدين». ال عمران_52

الكلمة اجت بالآية (( انصار )) واللي هية جمع نصير .. مع اني بكره التعلق بالحرف .. لأن بالاخير على زمن المسيح ما كانت اللغة العربية معروفة او منتشرة بكل المناطق اللي انتشرت فيها المسيحية لهيك من المفروض ما لازم كتير نتعلق بالحرف .. بس بعتقد لازم نفرق بين نصارى وانصار لان في فرق بيناتهم .. والفرق كبير

كاتب النص الأصلي : M@hmoud

يا عزيزي يمكن انت اخترت اخر جملة من ردي وما قريت كل ردي .... لانو ردي بيوضح تماما الاشتقاق الاسمي للمصطلحين مو بس للمصطلح الواحد

رح ارجع وضح مرة تانية ..تكرم عيونك

النصارى...هم الحواريين ال 12 اللذين نصروا سيدنا عيسى عليه افضل الصلاة والتسليم

المسيحين ... هم جميع من أمن بسيدنا عيسى صلوات الله عليه تيمننا باسمه السيد المسيح (من ضمنهم النصارى).... هللق الفرق انو الفترة الزمنية اللي صعد فيها النصارى كان قبل تاني اسم

قبل ما رد .. متعمدا حذفت الصليبيين .. لان ما الهم علاقة باي شكل بموضوع اللي هون
يا صديقي انت هلق دخلت بمتاهة قبل ما تفوتنا فيه
انت اعتبرت في مجموعة شاملة تدعى المسيحية تتضمن داخلها مجموعة جزئية اسمها النصرانية .. رواد النصرانية هم مجرد 12 شخص لا اكتر ولا اقل

حكيك السابق بيفتقر لادلة تاريخية .. اضافة انه بيفتقر للمنطق
لأن لو كان الحكي هاد صحيح كان بكل بساطة اطلق الرسل على نفسهم اللقب السابق .. ما كانوا استخدموا لقب غير هاد القب .. ومن عندي بقلك ما كان في لقب يستخدم للتلاميذ ال 11 + 1 (( مشان يهوذا مو مشان شي )) غير لقب التلاميذ .. فلو كان القب فعلا مخصص فيهم .. كان اجدر فيهم يستخدموه هنن بحد ذاتون
تاني شي الديانة الاسلامية تستخدم لقب (( نصراني )) لحد اللحظة مع العلم ان وقت ظهر الاسلام ما كان في ولا (( نصراني )) اذا كانت النصرانية او الانصار او النصارى كتعريف بدنا نعتمد اللي قدمت لنا اياه .. الا اذا في واحد بعيش اكتر من 600 سنة

بتشكر مشاركتك وموضوعيتك