اقتباس:
كاتب النص الأصلي : كهربجي
شو تعريف الوطني بسوريا؟ سوريا حصراً...
|
صديقي
هلق الوطني هو اللي بيقول عن كل شي لأ
بدون ما يشغل مخه
يعني ما بيصير يكون في شي ايه وشي لأ
لازم كل شي لأ
واللي بيرمي كل شي على محل واحد
طبعا هاد مو تعريفي
هادا التعريف السائد
اقتباس:
كاتب النص الأصلي : كهربجي
|
الوطني يا صديقي هو اللي بيحط مصلحة وطنه قبل اي شي
واللي بيقدر يميز انه لازم اول شي نحافظ على الوطن لنقدر بعدين ننهض فيه
او نحافظ على الحياة لنحولها لحياة كريمة
لأنه اذا ماضل في وطن ما رح يكون في فايدة من اي شي
واذا انتهت الحياة فما في معنى لأي شي وراها
اقتباس:
كاتب النص الأصلي : كهربجي
شو بيعمل؟
|
شو بيعمل؟ بيعمل كل شي ليقدر ينهض بشعبه وبأهله وبوطنه وكل شي بتعني ايضا العلم العمل البناء التوعيه الثقافه محاربة الأمراض الأجتماعية تطويرالحياة الثقافية هامش الحرية الفكرية
اقتباس:
كاتب النص الأصلي : كهربجي
مين بيأيد ومين بيعارض وضد مين بيقاتل؟ بيقاتل أصلاً؟
|
بيأيد اي حدا مع البلد
وبيعارض اي حدا ضد البلد
وبيقاتل بس بس اعداء البلد
اقتباس:
كاتب النص الأصلي : كهربجي
مين بيقرر وطنية أحدهم او عدمها؟ |
بيني وبينك هلق صارفي ناس عم توزع وطنيات وعم تعطي شهادات بالوطنية من موقف او من رأي وهنن بالأساس عم يدعوا للحرية وهنن ما عم يسمحوا لغيرهن يمارسها
وما عم يقدروا يفهموا انه السياسة مافيها شي بالمطلق
يعني مافينا نكون مع او ضد بس
فينا نكون مع في
او ضد في
المطلق مو بهيك اماكن
الوطن بيطلب كل ابناءه وبيطلب عدة افكار
اقتباس:
كاتب النص الأصلي : كهربجي
شو تأثير تعريفك للوطنية على تعاملك مع اللي حواليك؟ وهل أنت عم تعمّمّ؟ |
بحاول افهم كل شي بينقال حولي وبطرح رأي وفكرة للنقاش
وأكيد التعميم مرفوض بأي شي
لأنه لازم نفهم خصوصيات بعض ونقدر نوصل لمكان يجمع الكل لأنه كلنا ولاد بلد واحد
وعفواً