[سوا ربينا]

اي هاد اليوم رحنا ع الجامعة لنكمل تسجيل مادة وهالمادة بدي اخدها بديلة عن مادة تانية ... وصرلي اسبوع عم ركض لحتى زبطها .. بس لا حياة لمن شو اسمو ...
المهم . اليوم قلنا خلص يعني بدي زبطها ع\غضبن عن الجامعة كلها كونو خريج وخلص يعني بدعس على كل اللي بالجامعة وبعمل شو ما بدي ...
رحنا وبلشنا على اول دكتور واللي هالمادة من قسمو
صباح الخير دكتور
طبعا لا بيصبح ولا بيعرف يحكي ..
شو
دكتور بس مشان هاي المادة من القسم هون وانا بدي نزل بدالها مادة تانية برضو من قسمك
مسك هالورقة وصار يتبصبص فيها ...انو كيف هيك ما بيزبط معك
ليش يا دكتور ؟
انو هيك بيروح منك مختبر وهالمادة اللي بدك تزلها لازم تنزل مختبرها معها
طيب يا دكتور يعني هيك بيصير علي ساعة زيادة
شو يعني مش رح تفرق
لا انا بتفرق معي حتى لو انها ساعة
معناتو انا هيك ما بقدر افيدك
طيب شكرا دكتور
حتى كلمة عفوا ما قالها ابن الذين
وبعدين رحنا على دكتور رئيس القسم تبعي
مرحبا دكتور
هلا
دكتور اغلبك يعني في هي المادة بدي انزلها لسى ما كملت بس شاف الورقة هي مش عندي عند القسم المختص فيها
طيب دكتور رحت هناك وقلي الدكتور ما بيزبط وبدي نزل ساعة زيادة
طيب اعمل متل ما قلك
طيب دكتور هيك بيصير في ساعة زيادة
مش مشكلة (بيني وبين نفسي ينعن سماك هوي انت رح تدفع شي من جيبتك )
طيب يعني هون يا دكتور ما بتقدر تعملي شي
لا والله غير بالقسم المختص
طيب شكرا دكتور
وبعدين ما لقيت غير روح على دكتور مشرف علي
مرحبا دكتور
هلا هلا
دكتور هيك هيك صار معي وكونك انت المشرف علي شو بدي اعمل انا هيك
طيب هلأ انا عندي فكرة روح وقول للدكتور تبع قسمك انو انا حابب نزل بدل هالمادة مادة من مواد الحاسوب
وهيك رح يوافق لانو هيو المستفيد من قسمو لانها
هيك قولتك دكتور
اي هيك انت روح وشوف شو بيصير معك
ورحنا كمان مرة على تبع القسم
دكتور هيك هيك انا بدي
يا ابني حتى ولو لازم الدكتور تبع القسم اللي فيه المادة يوافقلي وانا وقتها بعمل شو ما بينفع
طيب دكتور شكرا

وبالطريق ما خليت ولا كملة ولا مسبة بالكون الا وحكيتها على الجامعة وعلى رئيس الجامعة وعلى الدكاترة فردا فردا ...

اي مرحبا دكتور
انا بدي انزل مادة حاسوب بدل هي المادة
طيب
يعني بس بدي موافقة منك مشان دكتور القسم تعبي يحطلي مادة تانية من مواد الحاسوب

طيب انت روح عليه وخليه يحطلك وبعدين ارجعلي
دكتور مهوي مش رح يوافق هيك لانو قلي لازم يشوف توقيعك
انت بس روح عليه وانا هلأ بحكي معو
طيب شكرا دكتور ( اكتر شي قلتو شكرا وياريت بيستاهلوها )

ومرة تالتة على دكتور القسم تعبي
دكتور الدكتور هداك قلي انو انت حط المادة وخلص
طيب ماشي انت اعطيها للسكرتيرة وخلص
ورحنا للسكرتيرة
هي مشان المادة البديلة قلي الدكتور انو حطها عندك
لا هي اطلع فيها على مشرفك
يا بنت الحلال هيك قلي الدكتور شو دخل مشرفي
لا بس انت ورح عليه وهوي بيحطلك مادة وارجعلي

طيب ماشي
ورحنا ع المشرف تبعي وطلع المكتب مسكر
ورجعنا ع السكرتيرة الدكتور مكتبو مسكر
طيب خلص هات الورقة وتعال راجع فيها بكرا
اي من الاول كان اخدتيها بدل ما طلعتيني ع الفاضي

وبعدين رحت انا والشبيبة هملنا شوية بالجامعة وروحنا ... وانو ينعن سما هيك جامعة...