لما فتت عالجامعة و كنت هيك صبية بعز طلعتي اشتهيت كتير حط نضارات ..
و مجرد ما حسيت بضعف بسيط بالنظر للبعيد رحت فحصت عيوني و وصفتلي الدكتورة نضارات نص درجة .. يمكن ما كان فيني شي بس ما حبت تخجلني
قمت و بفرحة عارمة رحت اشتريت نضارات بدون إطار (من يلي بتبقى عدساتون مبخوشة من الجنبات و مدخل فيا البراغي الناعمة تبع الدعامات) ...
تاني يوم .. تاني يوم ها ، و في غضون أقل من 24 ساعة ، وقعت مني ابرة كنت عم خيط فيها زر القميص فشلت النضارات مشان دور عن قرب و لما لقيتا و رجعت قعدت محلي و سمعت صوت الـ ططء ططء طء
..............................................
تذكرت اني ركيت النضارات عالكنباية محل ما كنت قاعدة .. و تحولت نضارة الأكابر لتلت شقف أو بالأحرى عيدان وحدة قصيرة و تنتين طوال
و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
|