موضوع و فكرة كتير مهمين للطرح و النقاش .. شكراً لكاتب الموضوع .. كمان فكرة بتحط الشب و البنت بنفس الميزان اجتماعياً بخصوص الجنس و العلاقات الجنسية الغير سليمة .
المشكلة هون بتكمن باختلاف ثقافات الحضارات .. العذرية هون بالمعنى المُجاز هي عدم خبرة الشب أو البنت بأمور الجنس .. من دون تفريق أبداً شب أو بنت .
التعويل بمجتمعنا الشرقي بيكون أساسي عالبنت بخصوص الطهارة و البكارة و العذرية .. أما الشب فمتل ما بينقال ما بيعيبو شي .
بغض النظر عن نقاش هالفكرة إذا كانت سليمة او خاطئة بس هاد الواقع .. أما في خلاف مجتمعاتنا الشرقية و مع مساواة المرأة بالرجل و اعطاءها كامل حقوقها فصار فيها تقول و بتوصف الرجل بأنو Virgin أو لأ .. طبعاً المقصدون بهالكلمة بانو الشخص المنعوت فيها مافي عندو خبرة بالجنس .. ذكر أو أنثى .. و هي مقبولة بكل المجتمعات , بس في كمان شغلة انا لفتت نظري بالمجتمعات الغربية و هي وصف الرجل بالـ Slut
أنا مرّة سمعنتها من تم إمرأة بتوصف رجل .. مش متأكد كتير من شمولية الكلمة و استخدامها لوصف الرجال يللي بيلعبو كتير, بس الحاصل شكلها الكلمة واقعة و متداولة .. نحن مافي حدى عنّا بيخطر على بالو بيوصف الرجال يللي عندو ممارسات كتيرة مع شريكات مختلفات بأنو رجل عاهر مثلاّ!
بكل الأحوال مجتمعنا أحلى بكتير و الشواذ إلهن حلول .