اقتباس:
كاتب النص الأصلي : i m sam
بدي اطرح شغلة يعني يمكن مرادفة للموضوع:
تعدد الاثنيات او الطوائف موجود وين ما كان يمكن, الا ما ندر ربما . وهاد امر مثير ومغني اذا متل ما تفضلو الشباب والصبايا استخدم او تفعّل بالشكل المطلوب والصح.
بالاضافة انو حاليا الانتماء للوطن هو يلي لازم يتفعّل ويكون المسيطر او يكون الانتماء الاول والاخير الو.
لكن بوضعنا نحنا كبلاد عربية او كانت مستعمرة وتقسّمت كيف بدو يكون انتمائي لوطن وأهلي نصهم عايشين بوطن تاني.
كيف بدي انسى لحمي ودمي... او شو يلي بيحددلي الوطن
مثلا كانت سوريا هي سوريا والاردن وفلسطين ولبنان او خلينا نقول بلاد الشام
بعدين صارت سوريا ولبنان
بعدين سوريا
بعدين لواء اسكندرون صار مع تركيا وقسم من شمال سوريا كمان
طيب مين بدو يحددلي الوطن
اي وطن يلي لازم انتميلو
على اي اساس مين بيحددلي حدود وطني؟؟؟ يعني من يلي راح كان على اثر استفتاء ربما كان شكلي بس المقصد لو كان فعلا هيك . انا بيحقلي طالب فيه ولا خلاص اهلو هيك بدهم...
انا ضعت لهون ويمكن ضيعتكم بس الف سؤال وما كنت اعرف جواب شافي
|
هلا سام حلو كتير طرحك..
انا كمان بحس متلك .. انا شركسية والشركس هاجرو من 120 سنة للمابيعرف من القفقاس بروسيا..
بحس احيانا انو وطني هون وهونيك وكمان احيان بحس وطني لاهون ولاهونيك..بضيع وبزعل كتير لأني مو متل كل هالناس.. وبحسد الناس اللي عندون ضيعة جدود جدودهون خلقو فيها..
بس الحقيقة اني بحب سوريا كتير.. وبحب الشام كتير كتير .. وبصدق بدفع عمري مشان الشام وحرية الشام..
يعني بالمختصر سام بدك تلاقي حل وسط.. مشان تريح حالك
طائر واحد يكفي لكي لا تسقط السماء
فرج بيرقدار
|