[ayhamm26]

كاتب النص الأصلي : المحارب العتيق

صديقي وجود قوات أميركية . في الكويت وقطر والبحرين والسعودية والامارات واليمن والعراق والاردن ومصر .أعلنت مرارا أن أي تدخل او حرب من سورية . سوف لن تقف مكتوفة الايدي تجاهه . وأي دولة بالعالم لا اعتقد أنها بوارد هكذا مواجهة زخاصة ان كان هناك مظلة من الخيانة العربية . متل ماشفنا بأجتياح العراق وحرب لبنان واخيرا حرب غزة . الأحلى من هيك أنو في دول عربية من الخونة تعودو أنهم يمولوا أي حرب ضد بلد عربي . ومناهم يشوفو سورية مدمرة متل العراق . بس بعيدة عن شواربهم

هلق انت بربك مقتنع بهالحكي؟؟؟

ايمتى كان وجود القوات الامريكية بالخليج بيمنع سوريا تحرر اراضيها المحتلة؟؟ ومين قال انو المطلوب سوريا تعمل حرب نظامية ؟؟ ومين قال انو اذا شعب اراد يشن مقاومة شعبية لتحرير ارضو على نموذج حزب الله رح تجي القوات الامريكية تهاجمو؟؟

بعدين انو قوات امريكية هي قصدك؟ لاتكون نفس القوات الامريكية اللي جيشنا العقائدي البعثي حارب تحت رايتها ضد جيش عقائدي بعثي تاني ؟ ولا نفس القوات الامريكية اللي نازلين معها تنسيق امني ومنتفاخر بهالشي علنا؟؟

عدم وجود مقاومة بالجولان ما الو الا سبب واحد بس, الحفاظ على النظام الحاكم , التفاهم اللي انجزوا هنري كيسنجر عام 1974 لهلق شغال ورح يبقى شغال طالما بقي النظام السوري

بس كل هالحكي كوم و اللي قالوا بشار الاسد بخطابو القومي العظيم بالدوحة, وكانو هالحكي مو صارد عن رئيس دولة صار اكل شي مية قتلة من اسرائيل واخر وحدة من الامريكان شخصيا , و ما شفناه فتح تمو بكلمة .
طيب السؤال بدل ما يطالب مصر والاردن بطرد السفير الاسرائيلي مشان غزة , ليش سيادتو ما استرجى حتى يسحب سفيرو من واشنطن مو مشان الفلسطينيين او اللبنانيين مشان سوريين قتلتن امريكا علنا وعلى الاراضي السورية.

الخلاصة ما في امل , الجولان ما بيحرروا الا ناس احرار .