اقتباس:
كاتب النص الأصلي : Elephant And Castle
دايما كنت قول انو مو من مصلحتنا اعتبار امريكا عدو ...يعني كتير منسمع شو بينقال عن امريكا بالأوساط الشعبية العربية . امبريالية و استعمارية و همجية ,,,.مع احترامي ,,بس هادا كلو حكي فاضي ...
امريكا اكبر من حكومة محافظين جدد ..ولازم نعرف كيف نتعامل معها على اختلاف الحكومات يلي بتمر ...
|
مو موضوع حكي فاضي موضوع انو تاريخياً أميركا كتير أساءت للعرب ومصالحون من العراق لفلسطين لأغلب الساجات وأكيد هالشي جزء من مسؤوليتو على العرب وجهلون بأصول لعبة المصالح الدولية وعدم تسخير مقدراتون لدعم متطلباتون...
اقتباس:
كاتب النص الأصلي : باشق مجروح
لحد هلق ( و عن نفسي ماني مستعجل ) عم نسمع من أوباما كلام . فقط كلام . و أكيد ما رح ننتظر ولا نتأمل من أوباما أن يفعل اي شيء خارق . لكننا صرنا نفرح و ننتظر أن لا يكون هناك جديد نظراً لتوقعنا الاسوء دائماً فـ نرضى بالوضع على حالو ونفرح بذلك .
رح بيضل عندنا كمشة تفاؤل . و أكيد أهلا وسهلا بأوباما و بالحوار و بأي فكر ممكن يفتح أفق جديد بالمستقبل .
كلماتك حلوة فادي وما بدي انزعلك تفاؤلك و بتمنى الايام تحقق امنياتك الي هيي بالنهاية تطلعاتنا الي من المضحك المبكي انو عم نستناها من اميركا ( لأنو افق التغيير معدوم بالمشهد السياسي العربي )
|
بتصور صافي اليوم بعد الخطاب في كتير معطيات تغيرت...
اقتباس:
كاتب النص الأصلي : mhsen77
أن صدى هذا اليوم ولّى و إن غداً لناظره قريب
منتمنى تتحققك امنيتك فادي |
أمنياتنا كلنا انو قضايانا تلقى دعم أكبر من أميركا وانو شوي تعالج الامور بالمنطقة بالحد الأدنى من الصدق..
لك يخرب بيت قلبك وين شفتني خشبي
طبعاً كلامي هون مو هو يلي حيغير السياسات الاميركية... وانا معك 100% انو الطريقة الوحيدة هي اللعب على المصالح المتبادلة وخلق معادلة جديدة تجبر أميركا على الموازنة بين مصالجها مع اسرائيل ومصالحها مع العرب حتى لو بالتدريج وعلى مراحل..
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!