[أرواد الجولان]

Jimy و Dndoshy اي راح ظل هون من زمان بحب المنتدى وبفوت بقرأ فيه بس لأسا لحتى تشجعت واشتركت

Jimy اي انا قصدت جزيرة أرواد اللي بقلب البحر واللي فيها قلعة أرواد .. يعني اللي انسجنوا فيها الثوار من ايام الفرنسيين.. (حاسي تأثير هالقسم -التاريخ- ساري مفعولة بشدة عليي!!)
بس اسألني شو في عندك اسألة وانا حاضرة
اي ولحد اسا الكبار وكمان الصغار بيحكو نكت عن الحماصنة انتو عنجد خفاف دم كثير
عنا بيستخدمو الانترنت -عادي-وزيادي! في عنا مواقع محلية يعني هيك شوية اخبار عن البلد شوية محاولات ثقافية .. ما فش عنا منتديات حوار بس بلكي مع الايام بيصير.. في موقع تابع لمؤسسة اسمها "فاتح المدرس" على اسم الفنان السوري, مؤسسة تعنى بشؤون الثقافة والفن وهي النبض اللي بيحرك البلد, كل شي فيها تبرع والناس اللي أسسوها أحلا ناس بالعالم, على طول فيها نشاطات وفعاليات بمجالات السينما والرسم والنحت والموسيقى والادب.. وبتنظم مهرجانات مع مؤسسات من رام الله، بيجو لعنا بصعوبة ومنروح لعندون بصعوبة (تأشيرات دخول ووراق وموافقات) وهذا موقع المؤسسة : http://mudarris.com/ وفي هذول قسم من المواقع اللي فيهون اخبار وهيك اشياء عن البلد اذا بتحب تلقي نظرة:
http://jawlan.org
http://daliluk.com
http://www.banias.net
http://jawlany.com
وبخصوص الدراسة، هاي منحة من زمان الرئيس حافظ الأسد الله يرحمو أعطاها للطلاب الجولانيين..يعني خلو الصليب الاحمر هو اللي ينسق الامور بين الطرفين، واسرائيل وافقت بوقتها ولحد اسا في طلاب بيروحوا.. المنحة ساعدت كثير ناس وعائلات, لأنو أول شي هون باسرائيل من المستحيل يعني شيء تعجيزي انو تفوت تتعلم طب او هندسة مثلا, بس المنحة وظروف الحياة اللي هونيك واللي هي اهون من هون خلت عنا يصير في عدد كبير من الاكاديميين. (عالهامش: انا ما حبيت الحلقة "اهل الغرام-خبز امي" بالمرة ضحكتني كثير.. فيها سذاجة كثير واللي مثّل وساوى الفكرة واحد من عنا, ما علينا..)

انا سجلت وكنت بدي اتعلم بدمشق بس ما اجا اسمي من هون وما خلوني روح ما بعرف ليش .. هذا الحكي زمان.. انا تعلمت هون ومشي الحال وكمان شوي راح ابدا باللقب الثاني .. ومع هذا كل ما صحابي او قرايبي بيفتحو قدامي سيرة التعليم بدمشق بعصّب جد وبسكر الحديث وبزعل.. كان كثير نفسي روح وما بقدر انسى.. يعني غصة بالقلب


Dndoshy شكرًا عالوردة والذوق ..
يا ريت فيي روح وشم ريحة الورد اللي عندكن...