اقتباس:
كاتب النص الأصلي : The morning
بنرجع بنكرر و بنعيد انو ما في ولا شرط كان بيحد طبيعه الماده الي رح تتصور سوى ضوابط القسم .. ( هي للتذكير بصورة عامة !!
|
وانا برجع وبكرر وبعيد انو القصة مو قصة شرط يحدد طبيعة المادة وانما تحفظ شخصي شخصي على مضمون مادة شفتها برأيي الفني المتواضع جداً جداً غير مناسبة لمسابقة تصوير فوتوغرافي بمناسبة معينة... وباعتبار الموضوع اسمو موضوع نقاش عن مسابقة التصوير فحبيت ابدي رأيي لصاحب الصورة بكل احترام ومحبة... فوين المشكلة؟
اقتباس:
أيضا ً نعيد و نكرر انو ما في حدا من المشرحين ملزم يبرر لكن في البعض طلب فرصة ليوضح رأيه بموضوع منفصل عن موضوع التصويت و لكن مافي حدا ملزم !!
و تمت المراسلات بين لجنه التحكيم و Unforgiven و هو غير مطالب من قبل اللجنه انو يوضح اي شي على العلن ما لم يرغب هو بشكل شخصي بهالامر ..
يعني بمعنى آخر انت فيك تستفسر عن لوحه ما لكن مافيك تلزم صاحبها بالاجابة و تناديله بالاسم بهي الطريقة ..
|
كيف شفتيني الزمتو بالاجابة؟ بعتت ناس خطفوه من بيتو وجابوه يجاوب اجباري؟؟ صورة إلي عليها تساؤل فوجهت التساؤل لصاحبها بشكل مباشر دون غمز أو لمز...
هي كل القصة لابدها مطالب ولاغير مطالب ولا لجان ولا شي... سؤال مباشر بصفتي عضو مصوت وبدي جواب من صاحب صورة معينة بوضوح "إذا أراد"... يعني بالمعارض العالمية بتشوفي الفنانيين واقفين مع لوحاتون وصورون وعم يجيبوا على تساؤلات الناس فليش انتي معتبرة اي ملاحظة على مشاركة بتمسك شخصياً ماني عرفان...
انتو حطيتو الموضوع على اساس ليتناقشوا الاعضاء مع بعضون "المصوتين والمصوت لهم" فتركو كل واحد يناقش بموضوعه وانتو جاوبو على مايخصكم من المسألة ومابتصور سؤالي عن صورة أن فورغيفن بيعني المنظمين للمسابقة بأي شكل...
على اعتبار انتو وضحتوا انكون دورتوا عليها على الانترنت ومالقيتوها وفحصتوها فوتوشوبياً وماشفتوا اي تعديل فيها فاتركونا تناقش بلكي عنا رأي تاني او معطيات انتو ماعندكون ياها...
اقتباس:
على ذكر المفاجأه .. فحابة قول انو ما هي المفاجأت اللي كنت وعدت فيها هــع و من ثـمّ هــع فــ هـع !
|
صدقيني انا بيني وبين حالي بعرف انو اكيد ماكنتوا بتعنوا هالشغلة وقت قلتو في مفاجئة... بس كنت بفضل انو وقت اخدتو خطوة اضافة صورة مخالفة "حسب تقييمكم" ماتصنفوها ضمن خانة المفاجآت لأنها مفاجئة من العيار الغير مستساغ والغير مفرح لكتير اعضاء مشاركين ومصوتين...
يمكن انا شخصياً كنت بستساغ فكرة انكون تعطوا جائزة تسموها "جائزة لجنة التحكيم - جائزة شرفية - جائزة خاصة" عن فكرة ادراج صورة مخالفة بهالشكل هاد يلي حسيت فيه كسر علني لشروط المشاركة من قبل منظمين لمسابقة...
اما حول درجة التعديلات المدخلة على الصورة فهالشي مابيعنينا... ان كان معدل بـ25 ليرة أو بمليون لأنو على قولكون هالشي ممنوع ولو الاعضاء من الاول بيعرفو انو ممكن هيك تجاوزات تصير كان كتير ممكن يضيفو شوية افيكتات عالصورة بشكل بسيط تجمل صورتون ويمكن تكسبون المزيد من الاصوات !!!
اقتباس:
لكن كونها اجت بآخر كم يوم من قبل اعضاء اللجنة ضفناها عالمفاجأه (( اللي رح بتم الاعلان عنها بعد احتساب النتائج )) و بذلك حولنا المفاجأه لمفاجأت ..
و انا من منبري هذا بطالب كل مين تهكم و طلع بالعالي حاليا ً باعتذار مني وقت بتنزل المفاجأه اللي وعدت فيها
|
بدي بس وضح شغلة انو مافي داعي لهالحساسية الشديدة بالنقاش... اي حدا عم يناقشك او عم يناقش احد المشاركين اكيد لاهدفو الإساءة لشخص اي حدا ولا التقليل من جهد اي حدا ولاعم يجيب سيرة عيلة اي حدا...
وانا بتحفظاتي التلاتة "يلي كل واحد منون موجه لطرف" كنت كتير واضح بإنو جيمي "مثلاً" شفت شخصياً انو موضوع "صورتو" غير مناسب لهيك حدث اما ممكن بغير مكان لو كان الموضوع مثلاً مسابقة عن استخدام الخدع "متل ماوصفها" بالخطوط وتصويرها كنت صوتتلو اول واحد وعملتلو برقية شكر...
بالنهاية بتبقى آرائنا يلي عم نطرحها بكل مسؤولية واحترام وبيبقى حق الطرف الآخر "المعني بكل قضية على حدى" يجاوب او مايجاوب على هالمداخلات ايضاً بكل مسؤولية واحترام.
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!