اي اكيد وصلت الوردة.. .. انا بحب افكارها فيما يتعلق بتربية الاطفال بعمر أقل من التسع سنين وبتفاجأ انو عندا تقنيات تربية تستعمل بطرق التربية الكتير حديثة.. ومن وقت ما كنا صغار كان عند امي سلسلة لباحث اسمو دكتور سبوك كان بوقتها مشهور كتير متل هلأ دكتور فيل.. وكنا نمزح انا واخواتي ونقول اجا دكتور سبوك بس امي تبلش محاضرة
يمكن كمان صرت اتفهم مواقفها أكتر بعد مرور فترة كم سنة .. صرت افهم انو سيطرتها كانت من دافع حماية ومحبة.. احيانا بتطلع للماضي وبقول انو يمكن لو كنت محلها ما كنت رح كون منفتحة ومتفهمة بقدرها .. وخاصة بعلاقتي مع الجنس الاخر وصداقاتي.. كانت اكتر من رائعة.. واحسن شي بالموضوع انو كانت تترك هامش كتير كبير للخصوصية وما كان عندا رغبة تعرف تفاصيل عني.. بس كان في حاجز وقلة حكي.. يعني متل كأنو حرب باردة.. وباردة كتير..بوقت كنت انا بحاجة لرفيقة وخاصة بغياب اختي الوحيدة للدراسة برا سوريا..
طائر واحد يكفي لكي لا تسقط السماء
فرج بيرقدار
|