هلأ ما قرأت كل الردود .. لذلك رح حاول رد على الموضوع الاساسي
اقتباس:
|
من هو الله؟؟ ماهي وظائفه؟؟ و ما هو هدفه؟؟؟ و ماهي حدود علمه و معرفته؟؟؟ و ماهي حدود تدخلاته بحياتنا و متى يتدخل و كيف ؟؟؟؟
|
هو يمكن الموضوع كلو محصور بهالكم سؤال
بس انو اسمحلي بدل الاول بيلي توصلتو انت بآخر الموضوع
اقتباس:
|
سؤالي كان من هو الله.. أما الأن فأصبح ماهو الله؟؟!!!
|
بدايه ..
بنظري الطبيعه الانسانيه " على الاغلب " بتميل للإعتقاد بوجود قوة عظمى ..
يعني بفضل انو يقتنع بأن الاشياء الخارجه عن ارداتو .. في شي اعظم منو بيتحكم فيها
لهيك بتلاقي مفهوم " اله " موجود في كتير حضارات ..حتى لو ما كانت بتحمل نفس مفهوم وصفات "الله" الموجود بالديانات السماويه
بنرجع للجواب عن أسئلتك .. حسب اعتقادي طبعا
الله .. هو قوة كبيره .. متحكمه بكل شيء بهالكون
من أبسط الاشياء لشو ما يخطر ببالك
أهدافه : رح اضطر اعمل skip لهالسؤال لانو اجابتو عندي متعلقه بقناعاتي الدينيه
حدود علمه ومعرفته : ببساطه ما في حدود
وإذا افترضت في حدود .. رح افترض وجود قوه تانيه أعظم وأكبر علمها ومعرفتها مالها حدود
مدى تدخل الله بحياتنا ..
انو طلعت معي هالفكره " القرارت بايدنا .. النتائج بايد الله "
يعني انت بايدك تاخد قرار معين بس بعلمك المحدود ما عندك فكره شو نتائج هالقرار
طبعا ممكن تخمن او تقدر .. لكن كعلم يقيني ما في
وممكن تكون النتائج بتختلف تماما عن توقعاتك
وعالاغلب من هون أجت الحاجه للأعتقاد بوجود الله ..
ونقطه مهمه .. انو أنا إذا ما ادركت شو أثار تدخل الله بحياتي هاد ما بيعني انو ما في تدخل
يعني إذا انا مرضت ودعيت الله يشفيني وما صار .. مو معناه الله مو موجود
او معناه انو الله خلقني وبعدين قعد يتفرج عليي
** بالنسبه انو ليش بعض التفاصيل عن الله بتختلف من دين لدين "الاديان السماويه " .. بتوقع الاختلاف سطحي .. الفكره الاساسيه واحده ... مصدر الاختلاف مشكوك فيه