اقتباس:
كاتب النص الأصلي : Abu ToNi
انا بصنف الرد هاد نوع من انواع الاقصاء !
على ايا قاعدة استندت بأن الملحد فقط هوي مين بيرفض الاحزاب الدينية !!
انا ما قلت انو الملحد بس هو اللي بيرفض الاحزاب الدينية, معك انو في ناس متدينيين كتير ما بيقدروا يتقبلوا فكرة الدولة الدينية
الاقصاء انك تأسقط احتمال إيمان شخص ما بالدين وترفضه فقط بسبب انه اختلف معك بالرأي واخد موقف مغاير الك بما يتعلق من الاحزاب الدينية وتعتبره ملحد " الصفة اللي ممكن جدا تجرح الشخص المؤمن "
وكمان من جهة تانية بتلاقي في ناس بيعتبروا اي شخص بيرفض فكرة الفصل التام بين الدين والدولة متطرف ولازم ينمنع من العمل السياسي
المطالبة بابعاد الدين عن الاحزاب والنظم السياسة لا يمكن اعتباره مطلب الحادي او مطلب نابع من فكر الحادي او طريق لجعل افراد الدولة ملحدين
طيب بس انا قلت انو اغلبية الشعب حاليا عم تتجه للدين لاسباب كتيرة, النتيجة صارت انو من شبه المستحيل تقنع هالناس بابعاد الدين عن السياسة
قاعدة الاخوان بالنسبة الي قاعدة نتنة لأن مرتكزاتها بالاساس بتنادي لطريق مسدود مافي منه نتيجة .. اذا ما كان في احداث قبل السبعينات مع الاخوان هاد ما بيعني انه ما كان بيعملوا مشاكل .. التيارات السلفية قبل احداث 11 ايلول ما كان حدا بالعالم عاطيها اهمية ، هلشي بيعني انها مؤسسة بشكل صحيح لكن التغييرات السياسية اللي صارت على مستوى العالم هية سببت انحرافن للطريق التكفيري الاقصائي اللي اليوم هية عليه ؟
انا دورت بصراحة على تاريخ الاخوان قبل استلام حزب البعث للسلطة مالقيت الن تاريخ عنيف ابدا , لقيت مثلا بانتخابات عام 1962 اللي صارت بفترة ما بعد الانفصال عن مصر انن رشحوا على قائمة الاخوان دكتور مسيحي من حماة , لقيت انو معظم التيارات والاحزاب السياسية اللي كانت موجودة بهديك الفترة كانت تتعامل مع الاخوان كحزب متلو متل اي حزب تاني
|
على كل مو هدا المهم , انا حبيت بس وضح فكرة انو الاخوان كانو باحداث الثمانينات عبارة عن مجرم صغير وقع بين ايدين مجرم اكبر قدر يلعب في ويستفيد من غبائه.
