[عاشق من فلسطين]

تعليقاً على أوضاع حقوق الإنسان في سورية، قال الرئيس السوري بشار الأسد إن البلاد تعيش في حالة استثنائية "منذ 60 سنة"، وإنه لا يمكن "السماح بقوانين عادية" في سورية،

يعني سورية تعيش وضع استثنائي منذ الاستقلال .. ليش خيو شو ماحدا استقل غيرنا .. ليش نحنا بس اللي عم نعيش وضع استثنائي .. آه نسيت مر علينا انقلابات عسكرية متتالية .. حتى آخر انقلاب عسكري قام به المرحوم حافظ الأسد على حكومة أمين الحافظ (الحركة التصحيحية ) ومن ثم أصبح الحكم وراثي .. أي هيك صح وضع استثنائي فعلا" .. بس أنا حابب أعرف شغلة أنو كمان تسمية حزبنا العظيم البعث بالاشتراكية هيي تسمية استثنائية .. أكيد استثنائية ..بس يعني يا أخي ان بعض الظن أثم يعني والله حرام يتهمو الحزب العظيم بالاشتراكية بدون أدلة ..

ولم يستبعد الأسد عملاً عسكرياً أمريكياً ضد سورية، وقال: "أتوقعه منذ نهاية الحرب في العراق. تصاعدت التوترات منذ ذلك الحين"، لكنه أعرب عن اعتقاده بأن عملاً من هذا النوع ليس وشيكاً، مضيفاً: "لا اعتقد ذلك. انها مجرد مناوشات في الوقت الحالي. إذا نظرنا حقاً للهجة البيت الأبيض بالتفصيل ستقودنا الى توقع حملة مماثلة لتلك التي قادت الى الهجوم على العراق".

يعني فعلا" ان كنت لاتدري فتلك مصيبة .. وان كنت تدري فالمصيبة أكبر ... يعني مادام بيعرف أنو أمريكا رح تتجه نحو سوريا بعد الانتهاء من العراق .. يعني لو كان عندو بعد نظر سياسي لعلم أن لبنان ستكون الورقة التي ستلعب فيها أمريكا ضدنا ..يعني كان المفروض ينسحب من لبنان .. بدل مايقلبها حكم وراثي متل عنا ..على كلن وبهالظروف أنا مع الرئيس بشار الأسد للموت ( يعني متل مابيقولو أنا وأخي على ابن عمي وأنا وابن عمي عالغريب ) لأنو حاليا" لازم نعمل وحدة وطنية حقيقة بين المعارضين والموالين حتى مرور هذه الأزمة يعني ما بدنا نكرر الخطأ اللي صار بلبنان .. بس بغد مضي الأزمة لكل حادث حديث ..
ولا تواخذونا ..