[Miss Petals]

كاتب النص الأصلي : Urhoy

بستغرب كيف بتشربو قهوة بسكّر...! يععععع

أكتر شي بشرب قهوة المشين أو تبع الفلاتر متل ما البعض بيسموها، وعندي مطحنة هيل صغيرة جنب علبة القهوة أحياناً لما بحب سلطن برش رشة هيل فوق القهوة بالفلتر وشغّل هالمشين....

النسكافة ما بحبا بس بشربها لما بتضيّف... واكتر شي بتلذذ بالقهوة بعد الغدا بشي ساعة وخاصة لما يكون في جمعة...
قهوة الصبح طبعا ما بدها حكي وخاصة مع سيكارة لفّ أي أي عالصبح لفّ
زمانية كنت اتلذذ اكتر شي بالقهوة "العربية" بنهاية السهرة بعد انتهاء لتر العرق...

في عادة تانية بس تركتا من زمان، عندي ابريق Thermos سعتو لتر كنت عبّيه احياناً لما بيكون في قعدة طويلة (دراسة أو نت) واحياناً مرتين باليوم (لترين قهوة ) بس طبعاً قهوة فلاتر يعني أخف من العربية...
حالياً بشرب من فنجان ل 3 فناجين باليوم واحياناً ولا فنجان...

اي وفي طقس اخير رح احكيلكن عنّو، جربوه وخبروني: فنجان قهوة سادة مع قطعة شوكولاه بنسبة كاكو 50% أكتر او اقل بشوي -بفترة العصر- وشوفوا كيف التركيز رح بيصير 150%

ya 3eni 3alek ,,,hada howh el mazaaaaaaj bl 2hweh nesab w kammeyat w awqaaaat ,,,el 7km 3alek ,,,shareeb w kayeef 2hweh