عزيزي ايهم السادس والعشرون....
شوقصدك بكلمة نحن العرب......(نحن ضمير يعود لنا )يعني عم تشمل كل العرب...ليش ياعيني ليش...انا واعوذو بالله من قولة انا....ما نكرت ابدا نظرياتو العلمية....وزيادة للمعلومات ...نظرياتو(وال تو ضمير عائد الو) تمت في الدراسة سنين قبل ما يظهروا للعالم ....بعد ما بسطوها وشرحوها بشكل افضل....
الزلمة عالم ....ما قلنا شي.... بس مو حكيم .....وانت بتعرف مو كل من صف الصويني ....شو قال....؟
برافو ....قال انا حلويني......
بعديد لا تشك ....يا عمو ....لانو مافي داعي للشك بشوية حكي صار حكم .....ممكن يكون قول مأثور او ما شابه .....بس مو حكمة....وانا واثق 100% انو الحكمة تمنطعش مو لانشتاين ....انا رح احاول اجبلك اسم القائل بالدليل....لانو اللي بدو يحكي بالثقافة بدو يكون عندو مطالعة ....لان الثقافة مكتسبة من الاطلاع ...والتجربة في الحياة .... اما العلم ....فهو من الابحاث والنظريات والانصهار في مجال البحث او العلم.... وبظن انو ماكان عند عمك انيشتاين ...اي وقت ليقرأكتاب عن قصة او شي رواية او انو يخطلط بالعالم.....هاي الفرق بين الثقافة وبين العلم..وعمك انيشتاين مالو دخل بالثقافة .....لا بس بالعلم....ok وعلى فكرة زيد لمعلوماتك انا مالي مجبور اغار على العرب ....ولا انا متعصب ابدا .....انا(هالكلمة حطا حلق) مالي عربي ....بس القضية قبل كل شي قضية انسانية ....وبعدا قومية....وانا لاني خلقت هون فبكون قليل ناموس اذا بفرق بين عربي او سرياني او ارمني او كردي ....نحن شعب واحد ....في وطن واحد...عم ننصهر ونتعايش في بودقة وحدة....وانا مالي بغيري اذا كان متعصب ....هئ انا بحب البلد اللي خلقت فيا .....هذا انا.....(بالاذن من الاستاذ آدم )شان لا يفكر سرقنا اسم الاغنية منو....
بعدين لا تنسى انو الاجانب لحد الان يستعينون بفضل تجارب العرب الاقدمين من طب لفلك لجبر ....حتى نظريات عمك انشتاين ....(لو قرات حياتو) بنى بعض نظرياتو على اسس بعض الفلكيين والفيزيائيين العرب......بعدين يامنظوم....بدل ماتفاخر بانك عربي ....هيك عم تحكي ......ياعيبو.....
بعدين سبب تقدم الغير علينا (علينا يعني نحن ...انا وانت وغيرنا)هو انهم تعاونوا ليثبتو وجودهم وشجعوا بعضهم....لحتى صاروا.... ونحن وين ......؟
وهاد بسبب وجودك ووجودي .....واختلافنا بالراي .....والاعجاب بالغير اللي سرقوا حضارتنا ومزقوا وحدتنا....نحن ما مننكر علم حدا ولا عم نقول انو الزلمة مو عالم .... نحن عم نحكي من مبدأ انو يهودي صار بياع حكم ....واذا بدنا نبقى نسمع لمتل .....كلامو....معناها ما من لوم احفادوا(فهمت علي)... ليش مالي ضد ....آرثر لوثر كينغ....لانو بيطلعلوا ناضل في سبيل قضية انسانية...وهي اضطهاد بني جنسو..... طيب غيفارا اشلو دخل يجي من بلدو ويتركو شان يقود ثورة في كوبا ..... موكمان قضية انسانية...... شان هيك القضية انسانية قبل ماتكون قومية....
عندك الحكم اللي قالا لقمان لابنو ....وعندك ايبوقراط...حتى برنارد شو قال حكم...
هيك بتقدر تقول انو ه}لاء حكماء....
ولما نابليون قال...(من قاد نفسه قاد البشرية) هاد قول ماثور....مو حكمة... الحكمة ....لما انت تعرف الصح من الغلط ......هاي اسما الحكمة.......
وبعدين انا بحكي والراي بيرجع الي ....انا لا عمبنتقدك....ولا حكيت شي عليك....
انا حكيت راي حالي ....وانت كان فيك تنتقدني ....او تفتح مجال للمناقشة باسلوب احلى واجمل ....بحيث انو انا اتقبل واناقشك وانا لما كتبت اعتذرت ان كان جوابي لاذع او جارح وما قللت من قيمة كاتب النص بالبداية انا قلت الراي الي وبيرجع الي ..... بس انت بدي اسالك سؤال ...(بتلعب بالطابة شي) لانك مهاجم ....جيد.....
انا لما انتسبت للمنتدى انتسبتلو لانو المنتدى فيو مساحة للراي الحر دون المساس لاي فئة او اي شي تاني ....وانا عم بعبر رايي ...فبتمنى انك لا تشيل ضغينة بقلبك لالي ....وان شالله منكون اصدقاء واللي عم يقرا من الاعضاء يبين وين الخطأ فيني وفيك ....وانا ما بزعل بالعكس بستفيد....وهون الحكمة..... احلا ايهم بلا زعل بالاخر نحن اولاد وطن واحد .......
رحم الله من قال..... اصابعك في العد خمسة
وفي مقبض السيف واحد.....
والراي للشباب والصبايا .....
مع فائق احترامي ودمت
عاشق بنتو
|