[fady juventus]

في متل شعبي بحبه كتير وبيضحكني كل ما سمعته "فلان جاي بفص حامي"
وهاد اللي باين على رئيس اللجنة البلجيكي واللي حسيته صغير بالعمر على هيك مهمة.
المهم أول دخوله شمعة طوله ، الزلمة كسر حاجز الدبلوماسية والخجل وطلب لقاء رأس الهرم بالإضافة لوزير الخارجية وكمان بده يقابل خدام .
يبدو إنو نحنا على بوابة جهنم من جديد.
وبتوقع ترجع المساومات الدولية مرة تانية وتتدخل الرؤوس الكبيرة بالقصة ويفضوها سيرة مع شوية تنازلات من سوريا وروسيا هون أو هنيك ، أما إذا أصر المحقق عالمقابلة مع الأسد فسوريا أمام خيارين:
1- إما الموافقة وهاي فيها مس بكرامة البلد عدا عن كون المحقق ما رح يكتفي بعد المقابلة ، بل رح يضغط على سوريا من باب تاني وقد يكون هذا الباب هو إتهام رسمي لسوريا بالتورط بالإغتيال.
2- أو الرفض وهون بيكون مجلس الأمن عم يستنى هيك خطوة لإقرارعدم تعاون سوريا ومن بعدها إتخاذ قرار بفرض عقوبات إذا كان المشهد الدولي بوقتها بيساعدهن .

والله يساعدنا عاللي جاي