اقتباس:
مرحبا يا شيوخ 
|
من اولها تحيزّ لصالح الذكور
اقتباس:
هو وقع بإيدي ريبورتاج صحفي منيح كتير عن مافيات تجارة الأعضاء, هيك ريبورتاج خفيف نظيف رح اشتغل على اختصارو و ترجمتو بلكي هاليومين...
هو بغض النظر عن المعلومات اللي فيه و حجم هالتجارة و مناطق كثرتها و زبائنها و كل هالأمور, تركلي الريبورتاج عدّة تساؤلات, تدور كلها يمكن حول "الطرف الآخر" بهالتجارة.. يعني قصدي بهالكلام انو الرأي الطبي واضح جداً تجاه هالأمور, و لكن لو حطينا حالنا محل المريض شو منقول؟
لخّصت هالتساؤلات على شكل أسئلة مشان سهولة النقاش, بس كل واحد حابب يعطي رأي عندو كامل الحرية يعطيه متل ما بدو طبعاً:
|
بأمركن سيدي حرية حرية بآمركن
اقتباس:
- افرض نفسك مريض (لا سمح الله) أو أحد أفراد عائلتك, و بحاجة ماسة (حياة أو موت يعني) إلى عضو ما (كلية, جزء من كبد, الخ) يعني عضو ممكن يتبرع فيه شخص حي, و انت عايش ببلد ضايعة فيه الطاسة, و بتعرف شخص عندو استعداد يبيعك العضو لأنو هو بأمس الحاجة للمال... تشتريه؟
|
بما اني لا اشكل بمفردي مؤسسة خيرية وبما اني غير معني بمساعدة الشخص ماديا وبما انه مستعد يقدملي الشي اللي انا بحاجة اله .. ليش حتى ما وافق ؟
يعني ما عم حس في ايا عائق او سبب منطقي لأرفض التعامل معه .
اقتباس:
- طيب نفس السؤال السابق و لكن في بالنص تاجر أعضاء, يعني الشخص اللي رح "يبيع" العضو ما بتعرفو و لا شايفو.. بيختلف جوابك عن جواب السؤال الأول؟ و ليش؟
|
ما بتفرق الاجابة بالنسبة الي
لأن الشخص المستعد يبيع الأعضاء اكيد ما حيكون واقف بالطرقات وكاتب على حاله ( مستعد ابيع اعضائي ) واكيد ما بده ينزل اعلان بالجريدة .. بده يتوجه لشخص مختص او شخص وسيط ممكن يأمن زبون مناسب
اقتباس:
|
- طيب بدل ما تكون ببلد ضايعة الطاسة فيه انت ببلد منظّم فيه قضية الدور تبع الأعضاء اللي يتم التبرع فيها, لكن دورك (لا سمح الله طبعاً و دوماً) أو دور فرد عائلتك شوي مفشكل وضعو و ممكن يتأخر, و حدا عرض عليك ينظملك سفرة ع بلد تاني و يأمنلك العضو و المشفى و الطبيب الجراح و كل شي مقابل مبلغ مالي انت قادر تدفعو... بتدفعو؟
|
بما ان الموقف افتراضي فالاجابة حتكون افتراضية ايضا
بالنسبة الي طالما المبلغ المالي مقدور عليه فما بفكر بالعوائق او الاجراءات ... يمكن يكون رأي شوي أناني وما بيحترم القانون بس حتى لو كان في وسيلة للالتفاف على القانون والتلاعب فيه بعتقد اني ما بدي اتردد كتير لالتجئ الها ... طبعا هلشي مرتبط بمدى خطورة الحالة ومدى حاجتي للعضو الممنوح .
اقتباس:
|
- لنفرض انك بحاجة إلى قلب أو رئة أو أي عضو يحتاج انو يتبرع فيه شخص ميت, و يخبروك انو في دولة ما, قريبة أو بعيدة, في مجرم (بغض النظر عن جريمتو) حكمو عليه بالاعدام و الضابط المسؤول عن السجن بيتاجر بأعضاء المعدمين, و انو في حدا قادر يأمنلك هالعضو اللي انت محتاجو من عند هالضابط و بمبلغ معقول لألك.. بتشتريه؟
|
يا روح ما بعدك روح .. بشتريه
اقتباس:
- بالنسبة للسؤال الفوق.. بيفرق معك سبب اعدام المجرم في قرارك اذا رح تشتري العضو أم لا؟
|
شو بدي اتجوزه يعني
اكيد ما بيفرق معي .. المهم شغال
اقتباس:
كاتب النص الأصلي : yass
مع الشكر على مشاركتكم سلفاً 
-
|
حاولت كون واقعي بعيدا عن الجمل الخلبية والافكار السماوية
تحياتي