[Hus]

السي ..
طيب


الكاس كاسي .. وهادا جوي وهادي ناسي ..
مزّة وبزورات ووالي بالي بالك .. وشغلات ..
لك ميت فل يا حلوي ..
وسك ؟؟
اي مو عراصي ..
ترى الوسك بالسهرة شي اساسي ..

اب محسن لك لحقت ..
يا قلبي عم بيراجع
ضرب بالتحشيش اليوم رقم قياسي ..
صرت الف مرة قايلو
لا تشرب سك .. ولا ات تقل العيار ..
يا بهيييم ..
مو ضروري كل مرة تقلبها غم و مأسي ..

دندون مفكرا حالها دكتورة بجد
وعم تشفط ارغيلة بالسيرنغ ..
واتغز حالها
جنت البنت حويلتها ..
لك مو يلعن ابو الدراسي .؟؟

سليم من تاني كاس فصل
وبلش يبكي ..
طالع لامو ..قلبو رقيق .. -يا قلبي-
حتى رقة القلب صارت وراسي ..!!

جميل معلي صوت الستيريو على الاخر..
يا حبيبي يا قلبي يا جملو ..
وطي الصوت منشان الملايكي ..
لك ..
ما ضروروي كل مرة يطلوبلنا الشرطة ..
ونختم السهرة
ركد ..
ونطوطة فوق الطاولات والكراسي !!

وابو الزوز لسا راجع من العسكرية مبارح ..
من تالت شفطة طلع وقفت بالمدخل..
قال اليوم نوبتو بالحراسي ..
لك ابو الزوز .. صحصح معي ..
بقالك ساعتين واقف برا ..
والدنيا زميتة وبرد قاسييييي ..
لك انت خلصت عسكريتك مبارح يا قرد ..
شو حراسي ما حراسي ..

--
له لك له .. ليك هال الجدبي ..
وليييي ..
ولي جدبي ..
اي انتي اي ..
ما اتنامي على الطربيزة .. ولي
كام مرة صرت قايلك ..
الطربيزة هاي الي لونها اخضر والكنباي هديك الي لونها رصاصي ..

اي .. تسالي يعني ..
صحي ديقولي خلاقي ..
بس شو بدك ..
ما في احلى من اللمة وكل الشباب الطيبة على راصي ..






يعني بقالي شي سنتين ما كاتب حرف متل الخلق ..
هلق فقست معي كتابي ..هاهاها
ولحقلتلكون هال الفتفوتة على السريع .. :P