انا ما جردتهم من وطنيتهم ..... بس حكيت الواقع
والشعب اكبر مسؤول عن اجندة الحاكم والرئيس والاحزاب كلها ..... لانو وقت بيسكت على الخطأ بكون رضيان فيه .... ولا تقليلي شعب مقموع وشعب ملتعن نفسو ..... لانو اذا كان هيك خرجو بيستاهل .....
رح اعمل اقتباسات على ردك لانو فتت بالحيط بالرد
الدفاع غير المقاومة .... لانو يللي بدافع بكون عن بيتو وعن ارضو ....
اما المقاومة هي يللي بتبنا نظرية او ايديولوجيا معينة ( دينية او فكرية ) وبتناضل في سبيل العقيدة يللي تبنتها
أنا ما عم بحكي عن المقاومة كحركة .. انا عم احكي عن المقاومة كفعل الدفاع عن الوطن .
قبل بقرن من الزمان كانت اوروبا كلها ممالك وامبراطوريات وما زال بعضها موجدو وحتى اذا بدون يخوضو حرب بخوضوها باسم الملك ( شكليا طبعا )
لانو كانت روما هي النور بالنسبة الو ( مو هون موضوعنا )
يللي بقصدو انو القوميات ما كانت موجودة كان الانسان مرتبط باسم الارض والدولة يللي كان عايش فيها
يعني كان محسوب عليها ..... وكان في شي اسمو عرق هو يللي بيربطو بالارض كمان
اما القومية فهي بترجع للقبيلة يللي عاش فيها الانسان ويللي تفرع منها
والقبيلة مو عايشة بمكان ومرتبطة فيو .. انت عم تحكي من وجهة نظر فوقية وطبقية .. في كتير ناس في العالم ما بتعرف أصلها بس فتحت عيونها على وطن .. هل يا ترى ما بحقلها يكون الها وطن وارض يدافع عنها ويحميها ..
ابدا ما كان في شي اسمو مقاومة .... وما ذكر التاريخ هاد الشي بالاساس
بس كان في بايام المحل والجوع والحروب مع غير دول كان يصير مشاكل لما بدو ياخدو الشباب على التجنيد
طبعا حجة لانو كان المستعمر الفرنسي والبريطاني منتدب فقط وليس محتل ..... هي انتبهوا عليها منيح لانها مهمشة دائما
هاد قرار من الدول الكبرى كان بعد الحرب العالمية التانية ......
يعني بشكل عام او بشكل خاص مين يللي تبنى المقاومة ؟؟؟
طبعا الاغلبية العظمى كانت من الدين الاسلامي لانو عن طريق الدين قدرت الحكومات تستغل هاد الشي ...
وبصراحة اكتر ضحكو على الناس .........
لانو غالبية شعوب المنطقة تعتنق الاسلام
الشغلة مو فرق تسد او انو تشعل نزاعات داخلية
الشغلة كانت على مستوى الامن القومي لاميركا
يعني كيف بدها تضمن مصالحها ؟؟؟
طيب لنحكي شوي ونشرح اكتر
وقت دخلت الشيوعية كقوة عظمى على اوروبا الشرقية ... ما قدرت اوروبا الغربية توقف بوجها ولا حتى اميركا وحتى انو عملت بالاتفاق مع الغرب الاوروبي حلف الناتو يللي كان مضاد لحلف وارسو مشان يوةقف التدخل الشيوعي
هلأ لما غير وجهتو المد الشيوعي والتفت على وسط اسيا وعلى المنطقة العربية والشرق الاوسط والخليج .... كان لازمو الوضع تدخل سريع من ميلشيات تحد منو .... ونشات هون خلايا منظمة اميركيا ومدعومة اميركيا واوروبيا
بس الوضع تغير من بعد مشاكل الشيشان وافغانستان وتفكك الاتحاد السوفييتي
انو هي الخلايا يللي نشات وكبرت ونمت وتنظمت بشكل رهيب .... شو بدها تعمل ؟؟؟
هون بلشت الطامة الكبرى
الاميركان وجهو هي الخلايا بطريقة غير مباشرة حتى تتعدى على الغرب وهون هي بتلعب لعبتها انو بتتهمون بالارهاب وبتتدخل عسكريا وبتفرض سلطتها على كل المنطقة .... وهون على قولة المتل ضربت اكتر من عصفور بحجر واحد
تدخلت بسياسات المنطقة لحماية مصالحها
وحاربت هي الخلايا تحت اسم الارهاب
وامنت مصالحها من ناحية الامن القومي
وبالنسبة للمقاومة هون في شغلة شبه مغفلة
انو يللي عم يقاوم باسم الدين او الدفاع عن الدين او او او
هاد كلو ترتيب مصالح من قبل الزعماء ورجال الدبن حتى يضلو مسيطرين على الشعب وما ينقاد لغير اتجاهات تهدد مراكزون وتهدد مصالحون الشخصية
ويللي عم يقاوم باسم الوطن
هاد مصيبتو اكبر لانو عايش على التغني باوهام وامجاد اصبحت من طي الماضي ( على قولة كان جدي مختار ) وهب للدفاع عن الشرف والوطن ومو عرفان انو عم يبيعو فيه ويشترو الحكام الانذال
لكان خلينا ننسى شي اسمو وطن ..
______________________________
بتمنى تكون وصلت الفكرة
وصلت