[krimbow]

وانا بشوف انو المراة توضع بنفس الدرجة هيي والرجل في الاسلام ولو بتقرا جميع الايات القرانية بتلاقي فيها الحكي موجه "المؤمنين والمؤمنات" هي بالاسلام لكن من يطبق الاسلام يا ترى ؟؟
اما ازا كان في ناس متعصبة تجاه عادات عربية منغلقة فهي مشكلتها

اي هيك المفروض،
المفروض انو تكون مشكلتهم، بس يللي صاير انو عم يعملوها مشكلتنا

متل ما انتي هلأ عم تفصلي اسلام على مقاسك، هنن نفس الشي، بيفصلوه على مقاسون
متل ما انتي ما اعترفتي باسامة انو مسلم
كمان هوي مو معترف فيكي انك مسلمة

و السبب ببساطة، انو القرآن حمال اوجه، فبيحمل وجه بن لادن الارهابي، و بيحمل وجهك الاقرب لليوتوبيا

بعدين كيف ممكن انك تحتقري الشيخ اسامة و تحرميه من لقب المشيخة بنفس الوقت يللي بتحترمي فيه الشيخ القرضاوي او الشيخ عمر خالد؟
انو هدول بيطلعوا ع التلفزيون ؟؟؟ و بيكتبوا ع الانترنت؟؟؟
اما هداك معتر ؟؟؟

بخصوص المرأة عند الغرب، شايفة هي اوبرا ... هي عم تصور الحالات الشاذة بمجتمعاتهم، عم تعمل توعية
ما بقللك انو الغرب اعطا كامل حقوق المرأة، بس قاطع شوط كبير بهالمجال، و ما بعرف من انو رواية خيالية بنيتي حكمك على المرأة الغربية انو هيي "لعبة" بايد الرجل
و لمعلوماتك هالشي مو معروف
المعروف انو المرأة بالاسلام سلعة تباع و تشترى
المعروف انو المرأة بالاسلام عورة
بتقعد بآخر الجامع
بتاكل بآخر الطاولة
بتعيش على هامش الحياة
ما بيهمني اليوتوبيا يللي عم تحلمي فيها و عم تلزقي عليها آرمة مكتوب عليها "اسلام"
بيهمني الواقع

يعني ما فهمت عليك لي عم تحكي بهالطريقة كانك بتحتقر تعاليم الاسلام ؟؟؟
يعني تفاجات وعدت القراءة لاتاكد انو كريم الي عم يحكي مو غيرو

كريم ما غيرو يللي عم يحكي

يا كنانة الفرق بيني و بينك انو انا بحترم المسلم، بس هاد مو معناه اني احترم الاسلام على الاطلاق
جربتي شي مرة تحترمي الانسان بدال معتقداتو؟؟؟

اما بخصوص jesus i trust in you
فعلى الرغم من كل الخرافات و الاساطير يللي لزقتها الكنيسة بهالانسان، إلا انو هاد ما بيلغي كونو انسان عظيم جدير بالثقة

كوني بشر، و كون التمائم عند البشر امر غريزي، فهي هيي تميمتي، ازا ازت شي حدا بغيرها