[كهربجي]

كاتب النص الأصلي : khanfur

كل حزب من احزاب المعارضة عنده برنامجه لاقتصادي اللي ممكن يتطبق بشكل و باخر على ارض الواقع طبعا بغض النظر عن ماهيته. نحن حاليا عايشين في فترة الفوضى الاقتصادية في ظل الحزب الاشتراكي القائد للدولة و المجتمع و بوجود رؤوس الاموال الخاصة و غياب المنافسة الشريفة بين الشركات.

ما هون مربط الفرس. يعني كتير ناس كانوا وافقوك لو اننا كنا عايشين بشي دولة خليجية الحكم فيها وراثي متل عننا و الحاكم حرامي بس يا اخي الشعب مرفه و شبعان الخبز. اما السؤال كيف لازم المعارضة تعطي الشعب ياكل ما فهمته. خاصة انو صاير فيهم متل المثل< صحيح لا تقسم و مقسوم لا تاكل ,وكول لتشبع> البرا خونة و استقواء بالخارج. الجوا ملحوشين بالسجون. ما ضلت غير احزاب الجبهة.

لا هي بدك تسمحلي فيها.. كم حزب معارض عندو برنامج اقتصادي فات فيه بالانتخابات كمرشحين مستقلين (عالأقل)؟ قديش نسبة البيانات الاقتصادية من مجمل بيانات الأحزاب والمنظمات؟ شو هي أصلاً المعارضة عير مجموعة منظمات تبع حقوق الإنسان اللي نازلة خناق ببعضها على شغلات شخصية تافهة بلا طعمة؟ كلهن هالحزبين وما حدا عندو برنامج اقتصادي غير يمكن حزب الشعب اللي كلو إذا كتير بالغت 1000 شخص..

آخر شي بحب قول.. ما اختلفنا أنو في معارضة سورية.. وما اختلفنا أنو في منها معارضة شريفة متل ما في معارضة غير شريفة.. وما اختلفنا انو كلنا عنا مآخذ عالسلطة وعالبعث.. بس المهم هو معارضة مين وعلى شو؟ شو المطالب اللي بتهم الشعب؟

أنا بتمنى يكون في معارضة شريفة وكمان فهمانة وممثلة للشعب ولو نظرياً بس.. المشكلة أنو مافي, الإسلاميين احتواهم النظام بدهائه, والأغلبية اللي ضلت متل ما قلتلك.. يعني خلينا نكون واقعيين..