[sweetbaby]

حسام هدول الاسئلة اللي بقيونلك جاوب عليوون وخلصنا
لعيتلنا البنا

كاتب النص الأصلي : sweetbaby

حساااااموووو
رجعتلك بسؤالين بس

اول سؤال
حسام كشخص عم بيخطط ويشتغل بشغلة واللي حواليه عم بيقولولو انو لازم تزبط من هالناحية وماتعمل هالاشيا وهوي ماكتير مقتنع بيطنش وبيعمل اللي ببالو بدون مايقول شي ولا بياخد برايون؟؟؟؟


السؤال التاني
شو اصة الخطبة

كاتب النص الأصلي : butterfly

حبيتو لهادا السؤال كتير ..

حسام ما رح أسألك كتير ..
سؤال بسيط

بتعرف أنو أوقات فينك تكون مزعج كتير ؟

ونهال وصاني اسألك
شو هي لوغارتمية التشفير اللي اكتر شي بتحبا ..

وهيك خالصين .. شو أنا حبابة ..

كاتب النص الأصلي : sweetbaby

حسامو سؤال جديد وهاد السؤال ممنوع انو تحط عليه يش يش
شو رايك بالاعضاء التالية
Gazita
Reemi
marioma alghzayala
hanny dagher
Willi
layla
sezar
sweetbaby
الحاج متولي
توت توت توت
butterfly
Varon
ghazool
Majood
Hashtnasht
Kakabouda
Godfather (فراس)
Fares
Geeny
yass
كهربجي
here i am
SABE
HUS
Barleb
tony 124
the light
سرسورة
محمد ابراهيم
goverment
صياد الطيور
اسير التشرد
المستحيل
the morrning
COSTA
YaSeR
handsome
abosleman
منوشه
spector
yamen_h
BL@CK
ماد ماكس
وائل76
مسطول ع طول
شامي من طوكيو
أمرأة من ورق
دلوعه سوريا
مايا*
لبندا
fofo besset syria
Abu Guzef

كاتب النص الأصلي : butterfly

بما أنو أنا لسى ما سألت ( انا عادة بسأل تلاتين ... سؤال .. بس )

قدي رح تكون نسبة الحقيقة بأجوبتك ؟وقدي المجاملة ؟وقدي التهرب ؟ ( نسب من 100 )
بشو بيختلف Hus عن حسام ؟ وليش هالمسافة بين التنين موجودة ؟
ليش " يش " مسافة من الخصوصية ممنوع الناس تفوتا ؟ ولا قلة وقت فعلا ً ؟ ولا ضيقة خلاق ؟
قلتلنا الله من شو بريئ ؟ بشو برأيك هو متهم ؟؟

هل بتجد صعوبة

• أنك تثني على شخص
• تعترف بحاجتك للأخرين
  
• تعتذر وقت بتغلط
  

كنت تكتب " تخربش شغلات حلوين " ليش وقفت ؟؟
راضي عن أدائك بأخوية بالفترة الأخيرة ؟؟
لأيمتى " الطب " ؟؟
خلال كل سنينك بأخوية .. في شخص ممكن تعتبرو صديق لألك عن طريق أخوية " يعني مو كان صديقك من قبل .. " لأ" أخوية جعلت من هالشخص صديق ؟؟
بتبكي ؟؟ على شو ؟ ( أتوقع ال " يش " بس شو بدنا نسوي )
خلينا نحكي شوي عن الكتب ؟
بتفكر تكتب كتاب ؟ عن شو إذا إي ؟ وشو بتكتبلي إهداء ( واثقة من نفسي ) ؟
شو اكتر مجال بيشدك تقرا فيه ( يعني رواية - شعر ولا قصة .. علم نفس سياسة ... إلخ ) ؟
ببيتك هلق كام كتاب موجود ؟؟

خلصنا الكتب ...
شلونك أنت والشوكولا ؟



برجع

كاتب النص الأصلي : BL@CK

حسام أنا انطبزت بصراحة ..

بس سؤالين صغار لو استلمت رئاسة سوريا .. لمدة عشرة أيام و مسموح الك كل يوم تسوّي شي ..

شو حتسوي و بالترتيب ..

و التاني لو كنت مطرح الله شو بتغير و شو بتضيف وشو بتنقص عالشي اللي سوّاه ..

كاتب النص الأصلي : معتر ليش ما بعرف

يالله ليش اول سؤال بسألك هوي بتقلي يش يش كلون خمس سطور والله حرام عليك يا شيخ

رح غير السؤال روح انبسط لتشوف قديشني كويس

السؤال هوي .... لخصلي حسام بتلات كلمات وبس وازا بتقلي يش يش بدي فجر بحالي قنينة كاظوظ ام الحجم العائلي و حملك المسؤولية

وفي الختام سلام

كاتب النص الأصلي : Madmax

كيفك حكيم ..
أنا مو كتير بحب الأسئلة الشخصية ....لذلك رح أسألك كم سؤال بخصّوا المنتدى :


أخوية صار ألو مكانة كبيرة عند كل عضو من الأعضاء
حتى أنو صار طقس من طقوسنا اليومية
بقى ما رح أسألك شو مكانتو عندك ...أو شو بيعنيلك ( و من هالحكي )
بس بدي أسالك قديش بياخد المنتدى من وقتك يومياً ..؟؟
**

من سنة لليوم .... تضاعف عدد أعضاء أخوية خمس مرات تقريباً
بس يا ترى أنت شايف أنو المنتدى بهالسنة .... تقدم ...و لا تراجع ..؟؟

**
من لما رجع المنتدى من التهكير ... يعني من حوالي 4 شهور
يا ترى قريت شي موضوع و لقيتو ( متل ما بقولوا ) بعبي الراس ..؟؟
**
ليش ما عاد كتبت بالمنتدى
حتى ردودك صارت ( تقريباً ) بتقتصر عالبريد

ميرسي

كاتب النص الأصلي : fofo besset syria

حكيم هاي اسئلتي المعتادة:

1. شو الشي الي ما فيك تعيش بدونه؟

2.ازا عندك الصلاحيات انك تغير شي واحد بسوريا شو ما كان...شو بتغير وليش؟

3.ازا كنت لحالك عجزيرة و بدك تضل معزول عن الناس واي شي خارج الجزيرة لمدة سنة و فيك تاخد معك شخص واحد و3 اشياء من اغراضك الخاصة شو بتاخد وليه؟ (ما فيك تاخد موبايل او تلفزيون او كمبيوتر او اي وسيلة اتصال مع العالم)وطبعا مو اكل وشرب وهاي الاشيا لأنه اعتبرها مأمنة الك بس بدك تاخد شي بعز عليك وبعنيلك انه يضل معك

4.شو تعريف الغربة بالنسبة الك؟




عفكرة معك 3 ايام تجاوب فيهن عالاسئلة وبعدها بتزت حدا غيرك بالمقلاية...بس بدو يكون مو مزتوت فيها من قبل واكيد اكيد مو انا لأني حبابة وما بتحمل القلي..

موفق بالمقلاية .. والله الشباب مو مقصرين بالاسئلة الله يعينك