اقتباس:
كاتب النص الأصلي : ..Jimy
1- ما فينا نعرف هي مرا أو زلمي او رجل آلي آو شمبانزي هارب من حديقة الحيوان..(قصة الشمبانزي صارت بسلطة عمان تم تهريبو بواسطة نقاب)
2- مو معروف هالشخص شو دخل حامل وشو طلع حامل..
3- الدواعي الامنية الغنية عن التعريف..(بتذكر من فترة قريبة تم القبض علصوص لمحلات الصيغة بيستعينو بالنقاب للهرب)
4- العامل النفسي يلي هوي شيء ثانوي بمفاهيمنا..ولكن من غير الصحي وخاصة للاطفال رؤية جسم حي متحرك ناطق عديم الملامح..
واخيرا ما تقلي ابدا انو النقاب جزء من الاسلام ..لأنو مانو جزء من الاسلام ولا رح يكون..
وبالله مين بحدد إذا هاد بيحئلو يفسر وهاد لأ  ..
|
حبيب ليش ما ضل علماء بالأمة؟؟؟؟؟؟؟؟؟؟؟؟؟؟
شو بعمركون ما شفتو شيخ ؟ أو مفتي ؟؟ أو عالم؟؟
وين عايشين يا جماعة ؟؟ لك أنا إنتحر؟؟؟
لك في مسلم بالعالم ما بيعرف يفرق بين العالم والإنسان العادي...
العلماء الكبار والمفتيين ومن إجتمع حوله الناس ومن شهد له أهل العلم بالعلم هدول كلون علماء وبحقلون يفتو بجواز التجليل والتحريم والسنة والي مو سنة
ومشان التهريب!!
لك بيحسنو يحطو مدخل للنسوان وفيه مرا بتشتغل وبتتأكد من هوياتون وبتتطلع فيون لتشبع كمان
أما مشان العامل النفسي فالمسلمين طووووووووووووووووووول عمرون عندون أحسن النفسيات بالعالم أجمع وأكبر دليل على ذلك حالات الإنتحار النادرة جدا بين المسلمين هي عدا عن إستبسالون وشجاعتون في الوقوف ضد العدو حتى آخر قطرة دم متل ما شفنا بالعراق
بس حلوة منك ( واخيرا ما تقلي ابدا انو النقاب جزء من الاسلام ..لأنو مانو جزء من الاسلام ولا رح يكون.. )
- مع إحترامي إلك - بس مين حضرتك لتقرر إذا النقاب جزء من الإسلام ولا لاء؟؟؟
يا حبيبي النقاب طول عمره جزء من الإسلام بس المسلمين مختلفين في حكمه ( واجب أو مستحب )