[Abu ToNi]

كاتب النص الأصلي : الكينك السوري

علت الاصوات

من محدثي الثقافة والدبلوماسية والنعمة

وظنو انهم يستطيعون النيل من سوريا

ادهشتني الوقاحة التي يتسائل بها البعض لماذا لا تحارب سوريا ولماذا لا تفتح حدودها مع اسرائيل

ولماذا لا تنطلق صواريخها انتصارا لغزة

الوقاحة انك تحكي هيك ؟ وهلحكي ( المطالبة بتحرير الجولان ) جزء من النيل من سوريا ؟
على علمي انه النظام الحاكم في سوريا يعتبر الجولان جزء لا يتجزء من سوريا .. سمعت بمرة من المرات من الرئيس السوري دكتور بشار الاسد وبنئلك الحكي اللي انقال بقمة الدوحة العربية حرفياً " ما أخذ بالقوة لا يسترد إلا بالقوة " فما تعزفلي على الوتر اللي بئلك انه اللي عم يحكي هيك بده ينال من سوريا !!

بخوص غزة فمعك أنا انه مطالبة سوريا بالتحرك مشان غزة ملطب غير منطقي وحدوثه يعتبر تورط .

اقول

ان الوتر الذي تعزفون عليه مقطوع

وان النول الذي تحيكون به ذكائكم السياسي وعبقريتكم الفذة

ليس خافي على كل الاحرار

وان نتائج دراسات مراكز الابحاث الاسرائيلية والامريكية القابعة في بلادكم والتي تعطيكم يوميا تعليماتها

بما يجب ان تقولونه وتصرحو به لاحراج سوريا

مين اللي عم يقول ولمين عم يتوجه هلقول ؟ انخلطت القصة معي شوي
برجع بركزلك على الفكرة مشان ما تنخلط القصص عندك
النظام السوري يعتبر الجولان جزء من الأراضي السورية وإسرائيل عدو لسوريا ومحتل لأراضيها ومحاربة العدو والدفاع عن الأرض مطلب سوري-سوري وتحرير الجولان مطلب شعبي سوري والنظام السياسي ايضاً مقتنع بهلتوجه التحريري ويعتبر أحد مبادئه وأساسياته .

اقول لكم انهم لا يفهمون سوريا

لم تقدم سوريا نفسها على انها امبراطورية توسعية

ولم تطرح مشروعها الخاص للسيطرة على العالم وعلى ارزاقكم

ممكن تعطيني اسم دولة بتقدم نفسها بالمنطقة على انها امبرطورية توسعية ؟
يا رجل كل بلاد منطقة بلاد الشام والهلال الخصيب بتعاني من الاحتلال بشكل أو بآخر ... واللي مبسوط على حاله انه حر بشكله الحالي بتلاقي عايش بحالة تبعية متلها متل الاحتلال ... فطبيعي مافي حدا عنده اهداف توسعية مو لأنها منطقة مسالمة ومقتنعة بحالها .. لأنها مبلية بمصايبها
مافي لهلق فكر سوري انه لبنان جزء من سوريا أو بحسب المصطلحات الميزنة لبنان "خاصرة" سوريا ؟

نحن في سوريا

كنا ولا نزال نعتبر اننا جزء من الامة العربية

نحن نعترف بواقع الضعف الذي يجتاح امتنا العربية

ونعرف ان اغلب دول العرب منقوصة السيادة

وهذا الكلام غير خاف على احد

فقد اعلنت اكثر من دولة من الدول المعادية لسياسة سوريا

اعلنت على الملا انها غير قادرة على منع الجيش الامريكي من استخدام اراضيها كقاعدة لغزو العراق

هاد اللي كاسرلنا ضهرنا وواقف بوجنا لحتى نمشي بطريقنا ونخلق تجربتنا كسوريين

وتباكو ولم يخجلو من ادعاء الضعف وانهم بلا حول ولا قوة

لو وقف الامر عند ذلك لما كان احد اعترض

اما ان يظهرو ضعفهم لامريكا ويعلنو انهم غير مالكين لسيادة دولهم ثم بعد ذلك يستقوو على سوريا

فهذا امر مرفوض مرفوض

وقضيتهم خاسرة ودعواهم خائبة

وحلمهم مستحيل


ان كون سوريا تعتبر نفسها جزء من الامة العربية هذا لا يعني اننا تابعون لاحد

بل يعني فكرا نتبناه ونؤمن به ونقدم عليه البراهين لاثباته وندافع عنه

لقد خضنا حرب تشرين وانتصرنا فيها يوم وقف العرب معنا

وسوريا لم تنكر في يوم من الايام فضل الدول العربية في انتصار تشرين

انتصار تشرين !!!
يا معلم سوريا انضحك عليها من الشلة اللي مسماية حالها دول عربية وتورطت بحرب لو كانت فعلاً بتعرف انها رح تمشي بهلأساس ما كانت رضيت تفوت فيها من فترة شهر تقريبا قريت يوميات سعد الشاذلي القائد الأعلى للجيش والقوات المسلحة المصرية قبل حرب تشرين واثنائها ولسنوات قليلة بعدها
بودي لو أنئلك الحكي حرفيا .. واذا بدك مستعد انقلك ياه كدليل لأثبت فيه كلامي
الرفيق بيكتب بما معناه أنه الجيش المصري كذب على الجيش السوري ليفوت بالحرب .. قدمله خطي مضمونها عدم التوقف عن الحرب لحتى تحرير كل شبر من السلطة الاسرائيلية
بينما التحضيرات المصرية كلها كانت موجهة على تحرير الجزء الشرقي من قناة سيناء
سعد الشاذلي كتب انه استغرب من هلتصرحيات كونه على علم تام بقدرات الجيش وانه مستحيل يقدر الجيش المصري يخوض حرب من هلنوع ... وقت حكى مع السادات انه كيف بتم الاتفاق ومصر مالها هلقدرات ؟ بجاوبه انه في حال انهار الجيش الاسرائيلي بالمجمل بعد تنفيذ الخطة المصرية ( اللي كانت بالاساس معدة لتحرير الجزء الشرقي من قناة السويس ) شو رح يعمل الجيش المصري ؟ رح يوقف ؟ اكيد لا .. رح يستمر بالتحرير
وبقول جملة بما معناها " انا الآن اكتب هذه الكلمات للوطن والتاريخ وليسامحني السوريون على سكوتي "

ولم ندعي اننا انتصرنا بحرب تشرين بمفردنا فقد كنا نعتبر ومازلنا ان الفضل كان للوفاق العربي

ولاجتماع الارادة العربية

مزبوط

نحن دولة صغيرة نسبيا بمساحتها وعدد سكانها ومواردها

لكننا دولة عظيمة بمبادئها وقرارها وسيادتها وصلابة قرارها

كتير بيزعجني هلكلام هاد اللي بيعطي بما معناه انه سوريا ما خرج تكون وطن .. سوريا جزء من وطن كبير يدعى الوطن العربي

اذا ما خلصنا من هلسلسلة اللي مربوطين فيها صعب نفكر نمشي خطوة وحدة لقدام
اذا ما اقتنعنا بهويتنا كسوريين وبأهمية هلهوية وواجبنا تجاها لنرفعها ونخليها توصل لعند الله .. ما بحياته الله رح يشتهي يصير سوري.

لم تدعي سوريا في يوم من الايام انها قادرة على اجتياح امريكا والانتصار عليها

لكننا قلنا ومانزال ان الحل هو بالتضامن العربي

فسوريا تطرح نظرية اثبتتها كل التجارب فالعرب مجتمعين يمتلكون مقومات الدولة المنيعة العزيزة

كل التجارب ؟
عطيني مثال من هلتجارب هي اللي اثبتت انه سوريا بالتضامن مع العروبة والبلاد العربية قادرة على فعل شي على ارض الواقع

وكل دولة بمفردها عاجزة عن حفظ امنها القومي

نفس فكرة الهوية الضايعة والوطن اللي ماله وجود وهوية ما حدا مامن بوجودها ومعتز فيها .. شو بتتوقع من شخص بيعتبر نفسه صفر علشمال ؟

لكن هذا الايمان لم يكن مبررا لنا في يوم من الايام ان نتخلى عن دعمنا العلني لكل فصائل المقاومة

سواء في فلسطين او لبنان او العراق

فحق المقاومة حق تكفله القوانين الدولية وان كنا لا نستطيع شن هجوم على اسرائيلا فعلى الاقل لا نمنع المقاومين من دعمنا



ولتتوضح الصورة باعين من لم يفهمو مغزى كلامي شاضرب لكم بعض الامثلة الحية

في العشرينات من القرن الماضي كانت سوريا ماتزال دولة فتية خارجة للتو من الاحتلال العثماني

لا يوجد فيها لا جيش ولا عتاد ولا اي وسيلة من وسائل الدفاع

قررت فرنسا احتلال سوريا

وتقدمت بجيوشها الجرارة لتحتل هذا البلد الصغير الفتي

هنا وقف يوسف العظمة وزير الدفاع السوري وقرر صد الجيش الفرنسي

وعندما استغرب الناس من قراره باعتبار انه لايملك اي فرصة حتى لاعاقة الجيش الفرنسي فضلا عن صده

قال كلمته المشهورة

لا نريد ان يذكر التاريخ ان فرنسا احتلت سوريا بلا مقاومة

وفعلا لم تدخل فرنسا الا على جثث يوسف العظمة ورفاقه



ان ما فعله يوسف العظمة ليس تصرفا عبثيا

ولم يقدم روحه وارواح رفاقه الطاهرة بلا ثمن

وكل السوريين منذ ملحمة ميلسون يشعرون بالفخر ويمتلئون بالعزة بسبب تضحيات يوسف العظمة

التي قد يعتبرها الاخرون عبثية

هاد اللي بيقدر يعمله اللي بآمن بوطنه .. مو اللي بآمن انه ولا شي بوطنه وانه بلده جزء من شي كبير !
يوسف العظمة ضحى لسوريا ولسوريا فقط
بالنسبة الي .. بيكفي هيك