[محمد ابراهيم]

كاتب النص الأصلي : asakli

لك يا اخي ما كنت افهم عليك بهالفكرة يمكن الحق علي اني ما عم بفهم
بس كيف شعب كامل ما فيو مدنيين بعدين انا بعرفو لهالقانون الي عم تحكي عنو بس شو مع الناس الرافضة لهاد الاشي ؟؟

انا ماقلت شعب كامل مافيه مدنيين
انا وضحت بس يمكن متل ماقلتي على لسانكلما قلتي " ماكنت افهم عليك "
المدنيين انا قلت انهم الاطفال ، وكونك بتعرفي هالقانون فهاد بيخليكي تتفهمي كلامي اكتر من غيرك اللي مابيعرف هالقانون ،مزبوط؟
ارجعي اقري اللي رح احط الو لون مختلف بنص كلامي
.

كاتب النص الأصلي : محمد ابراهيم

وين المدنيين باسرائيل بالاول لحتى نحكي عنون !!!

انا شخصيا مابعرف غير الاطفال (كمدنيين ) اطفال اسرائيل فقط

شوف ياعزيزي نظام التجنيد باسرائيل مختلف عن انظمة التجنيد اللي بنعرفها بالشرق وكمان بالغرب

يعني في اي لحظة ممكن يعلنو استدعاء قوات الاحتياط واللي هي " المدنيين بوجهة نظرك" يعني المدنيين في وجهة نظرك هما بنفس الوقت قوات احتياط في الجيش الاسرائيلي !!!
يعني عنا بتاخد فترة تجنيدك ومعك فترة تانية ممكن يستدعوك تحت اي ظرف للعسكرية ، في اسرائيل هالفترة اطول بكتير "ربما لقلة عدد الاسرائليين " بس هاد مش مربط الفرس .
عل كل حال ، مرة من سنتين ونص تقريبا كتبت باحد موضوعاتي اني ضد قتل المدنيين الاسرائيليين وصحح لي شخصين الفكرة" انو المدنيين باسرائيل مش مدنيين حقيقيين" لكن على كل حال هذا ما بيتيح قتل شخص لا يتاح له فرصة للدفاع عن نفسه او حتى ليس في ساحة معركة !!!(طبعا من وجهة نظري)
ولكن ربما لانو اللي ايدو بالمي مو متل اللي ايدو بالنار ، لو كنت فقدت اهلي بفلسطين (اكيد كان رئيي رح يختلف) وكنت رح اشجع قتال قوات الاحتياط اللي بتشوفها " مدنية "

حدا فكر شو هي معاناة اللبناني اللي فقد اهلو جراء قصف اسرائيل لمدينتو ؟؟
طبيعي انو هالشخص يتبنى اراء مختلفة عني وعنك نظرا لظروفو .

أنا وجهة نظري الشخصية (انا عن نفسي وما الي دخل بغيري) بشوف انو القتال بدو ساحة معركة وبدو طرفين بوضع حرب ، مش طرف بوضع حرب والاخر بوضع اخر بيعيش حياة طبيعية ،يعني خلاصة القول انو لازم x من الاعداء او من الاحباب والوضع مش على اسرائيل او فلسطين ولبنان وانما عام ، x هاد يكون عندو فرصة للدفاع عن حالو ويكون بساحة معركة .
وهاد هو اللي كتبتو بردي الاول (كونك انتي ما فهمتيه فهاد ما بينفي حقيقة اني كتبتو من قبل !!!)