[أبو السييم العظيم]

يا عيني عليك يا بسومة شو رقيقة و لطيفة

عجبني أكتر شي بكلامك أنو بيقشعر بدنك بس تسمعي الأناشيد الوطنية و بقلك بالفعل هاد أكير دليل على إنك بتملكي حس مرهف و عاطفة قوية هي اللي بتأثر فيكي ..

إذا بدك تجي ع الشام أكيد بدك تخبرينا لحتى دورك الشام شبر شبر و عرفك عليها بما إنو كنت أنا دليل سياحي في غابر الزمان فبدي إرجع مارس هوايتي من جديد

و إذا بدك هي صورة للشام من طرف الشام القديمة من على سطح بيت رفيقي ..

الصورة هي أنا أخدتا يعني شغل هواة مشان هيك بدكن شوي تتغاضو عن العيوب يللي فيها

بس مبين بالصورة في الوسط جبل قاسيون يللي بيطل ع الشام كلها و تحت الجبل بدي تنتبهو على سرب الحمام اللي طاير و مبينين مآذن الجامع الأموي العظيم في وسط دمشق القديمة اللي بعشقها ..

و الصورة التانية هي بجانب الجامع الأموي و الفسحة يللي قدامي هي موجودة أمام ضريح القائد التاريخي صلاح الدين الأيوبي و انشاء الله كلها منزورك ياها قريبا أنت بس تعي ...