نستعرف بيك ختي في حاجات ولالا في اخرى انا كيما راكي تشوفي دزيرية من العاصمة وانا تاني نحب سوريا والسورين (يات) ونهدر كيما هوما و كيما المصريين والخليجيين ... الخ من كترة افلامهم واغانيهم (ولينا مستعمرين بيهم هههههههههههه) بصح في قعدات كيما هادو نسبق لهجتي خاطر الا ما وصلنهاش احنا شكون راح يوصلها لهم وانا قانعة بلي هدرتي هادي القليل راح يفهمها بصح كيما يقولو المصريين انا وراهم والزمن طويل كل ما تسمحلي الفرصة نتدخل راح تكون بلهجتي حتى الكل يولي يعرف الدزيرية
وبهادا الموضوع تاعك نبهتيني لموضوع اخر وعلاش احنا في المغرب العربي نفهمو كل اللهجات الشرقية والخليجية بصح هوما ما يفهموناش ويبررو في جوابهم على اننا نستعملو بزاف الفرنسية وهاد شيئ نسبيا صحيح بصح مش الكل او ماشي قاع
نعمل احصاء ونشوفو شكون الي فهم بسهولة وشكون يصعوبة وشكون مافهمش خلاص واش رايك ؟
