اقتباس:
كاتب النص الأصلي : كوستا
شلون بدون ينافسو حزب البعث يا معلم وهنن موالين الو ؟؟
اصلا ما قدرو ينتظموا لولا ولاءهون انو حزب البعث هو الحاكم ....
شلون و باي مهزلة من مهازل التاريخ صارت ؟؟
بعدين السوريين القوميين يللي عم تحكي عليهون نصفهم مخابرات يتجسسون على الشعب ومشان هيك صار في انشقاق بالحزب القومي السوري لكنه غير معلن بعد .......واحد اصدقائي يوميا يذهب الى اجهزة الامن ليسجل وجوده في البلد
بعدين انو هلال خصيب يا زلمة وانو وحدة عم ينادوا فيها
شلون بدها تزبط انو يللي بالبصرة يتوحد مع الحلبي او الفلسطيني ؟؟؟او شمال العراق يللي ثلاث ارباعه اكراد بدو يتحد مع الاردني ....... والشغلة الاحلى من هيك قبرص ... اي قبرص ...هي المفاجأة يللي ما دخلت براسي ( يللي بيرمزولها بنجمة الهلال )
منجي للشيوعيين
يللي تلاحقوا عشرات السنين ويللي تغطسوا بالاسيد و المواد الكيماوية ويللي مات تحت التعذيب ويللي تهددوا اهلو ويللي انحبس 14 او 15 او 16 سنة ( جماعة 99 )
وكل هاد الشي لانو رفضوا يكونو موالين لنظام الاسد البعثي
وبدك يعملو منافسة سلمية ...... لك هي منافسة تمثيلية ما بيعملها الا كل متواطئ وخاين مع النظام البعثي او منتفع منو
اي كل هدول يللي حكيتلك عنون .... لما بصير الجد ما راح يحطو ايديهون بايد اميركا او بريطانيا
بدون يحطوا ايدهون بايدين الشياطين لحتى يخلصوا من النظام الفاسد
|
ما بظن انو يحطو إيدون بإيد اميركا و بريطانيا ...
لأنون كمان بدون يكونو قدوة لأبناء الشعب ... يعني أكيد الشرفاء متلي و متلك ما رح يصوتو لواحد حاطط أيدو بأيد أميركي ولا بريطاني ... و أكيد ما لح نخلي الأميركان يحطو قاعدة بأرضنا سوريا مشان نطلع عال Google Earth
و أكيد ما لح تقلع شي طيارة أميركية من مطار سوري مشان تضرب شي بلد حليف او بلد عربي
يعني مع مين بدك يانا نوقف ؟؟ مع الأميركان يللي جايين يغتصبونا ؟؟ أصدي يغتصبو أرضنا ... و شايفين العراق شو عم بصير في ؟؟ ولا مع الحكومة ؟؟ سواء إذا كانت فاسدة أو لأ شي ما بهمني !!
ما بعرف هي نظرتك
بس أنا بالنسبة قلي عم حاول غير البلد من ورا الأحزاب الباقية ... يعني خلينا نجرب شي حزب تاني
داق خلقنا من القهوة ... صار بدا سكويز
!!
كوستا ... يعني ليش لحتى ما يكون يللي بالبصرة مع الحلبي ولا ابن الساحل ؟؟ ليش لأ ؟؟
ليش سوريا ما فيا يللي من دير الزرو و الحسكة ؟؟ و ابن الشام و ابن ابو رمانة ؟؟
ليش ابن المخيم مو عايش مع ابن المالكي تحت سما وحدة ؟؟ و تحت شعار بلد وحدة ؟؟
بعدين العرب كلون كانو شقفة وحدة ؟؟
و ازا منطلع عالتاريخ ؟؟ بمستوى بياني ؟؟ ما منلاقي العرب طالعين إلا وقتا كانو سوا !!
بعرف انو حكي نظري و ممل انو امة عربية واحدة !!
بس هاد الشي الصحيح !! بعدين ما عم قللك انا نوحد تونس و مصر !! يعني التونسي و الجزائري ما منفهم عليهون
عم قللك نوحد سوريا الكبرى يللي كلنا منرجع لقلا !!
ولله بجوز تكون منافسة تمثيلية .. بس ما منخسر شي إذا لحقنا الكزاب لورا الباب ..
بس عندي سؤال !!
مين هوي أكتر واحد مثقف ببلدك ؟؟
مين هوي اكتر واحد فهمان ببلدك ؟؟
مين اكتر واحد عم يشتغل ببلدك ؟؟
شوف التطور يللي صار تقنياً و معلوماتياً و شوف كم شركة انترنت صار في ببلدك
بإختصار !!
كان في شخص بيشتغل بمايكروسوفت و جابو علا سورية و سلمو وزارة اللإتصالات
طبعا عمرو سالم
عمرو سالم من أحد رموز الحزب الإجتماعي القومي السوري !!
و ازا كانوا كللون هيك .. فلا تخاف عالحزب ..
على كل حال كلامك صحيح جداً مشان الحزب الشيوعي ... بس كمان أنا بظن انو دخلو الأحزاب مشان انو ديمقراطية ..
بس ما بعرف ازا هدول الأحزاب هنن عملاء ولا لأ ..
بس ما بظن
علا كل حال شكرا كوستا لح أخود بالإعتبار أنو 50 % من المنتسبين لهيك حزب هنن عملاء
شكراً عالنصيحة
و شكرا علا ردك و حوارك
