[عاشق من فلسطين]

موضوع علاقتنا مع روسيا موضوع تاني و أصلا إلو علاقة بالحظ... يعني وقتها بعد الحرب العالمية التانية كانوا العرب مخيرين يوقفوا يا مع المعسكر الروسي يا مع الأميركي... ما كان في أي فرق بالنسبة إلنا... بس نحنا وقتها كان قرار غلط و اخترنا المعسكر الروسي.. و على هل اساس اميركا اختارت اسرائيل بس نكاية بروسيا.

يعني من كل عقلك عم تقول أنو أمريكا اختارت اسرائيل نكاية بروسيا .. لك أمريكا أوعى من انو تتعامل بسياسة العواطف تكبير الراس والتعصيب .. يعني امريكا صرلها عم تحارب كل الدنيا مشان اسرائيل ومصالح اسرائيل بس نكاية بروسيا .. أمريكا اختارت اسرائيل لأنو شعب مستعد يزني بأمو كرمال يوصل لأرض الميعاد .. لك والله ما توقعت منك هيك تحليل ..
يعني أمريكا باختصار اختارت الشعب المناسب للمكان المناسب .. لتحقيق المصلحة المناسبة ..

تانيا : شو عمللنا نضال وسجن رياض الترك ولا غيرو ؟ فكركون لو أنو أحسن من الزعبي كان الله خلاه لهلأ ؟

نضال رياض الترك .. عمل كتير وعنى كتير للوطنييين أصحاب الارادة اما الوطنيين المتقاعدين .. واللي اندعكوا بالحياة مشان الوصول للحرية بعدين سئموها واتقاعدو ماراح يعنيلون غير أنو انسان مجنون .. اكنو متلو يوما" ما بس ضعفو وتعبو ... رياض الترك زلمة انسجن 18 سنة .. أكيد مو مشان بس يطلع من السجن يقول ( السجن للرجال) وزلمة متل هاد يستحق الاحترام ورفع القبعات أمامه ..
لك مينمي والله أنا ما بشكك بوطنيتك وبعرف أنك عانيت كتير .. بس حاجي تقاعد بقى .. صحى .. لك شوباك يا زلمة .. بخصوص الكرامة والشعب العنيد .. رجاع سمعها مع كاسة عرق .. وفتح مخك .. واصحى بقى ..

أنا كسوري أؤمن ببلدي , بقدرة الشعب السوري بالنهوض بهالبلد اعتمادا على نفسو, بدون الحاجة لأحد...نحنا ما لازمنا لا ايران و لا روسيا ولا امريكا...لازمنا وعي وطني, لازمنا وفاق, لازمنا حكومة اصلاحية, حكومة تسير بهالطاقات بالاتجاه الصح....متل ماقال توفيق زياد , لازم نحرر أرضنا من ظلال العبيد, بعد ذلك نلقى عدونا العتيد..

لك دخيل ربك .. لك انا ملحد بس عندي رب هوي سوريا وشعب سوريا وأنا مؤمن بسوريا بقدرة شعب سوريا على النهوض والصحو .. بس بدها هزة كتاف ونفض وطنية ..


لا تواخذونا ...