رمرش حبيبة قلبي...
طيب هي الليستة المعتادة
وبدي ارجع حطلك كم سؤال هيك سبيشال لالك حبوب
هني بصيغة المذكر قلبيووون
امرك؟
21
مهنتك؟
بشتغل بمنظمة وبعمللهن الويب سايت
حالتك الاجتماعية؟
عازبة
بتدخن؟
لا
ازا اي من ايمت؟
اي يلا كم سيجارة بتدخن بالنهار؟؟؟
شو نوع الدخان اللي بتدخنه؟
بتشرب؟
اي
ازا اي من ايمت
من ايمت ما بعرف ..بس انو يمكن من شي سنه
واديش؟
قليل بالمناسبات واذا شي قعده حلوه
وشو اكتر نوع بتحبه
كلو متل بعضو ..
انت ليش هيك؟؟؟
شبني 
شو اكتر غنية بتحبا؟؟ وليش؟؟؟
قديش كان في ناس لفيروز .. بحسها عم تغنيلي 
مين مطربك المفضل؟؟
جورج وسوف - فيروز - نجوى كرم
.شو المواضيع اللي تقراها بالمنتدى
ههههه اكتر شي بقرا بالتبليغات هالايام...
...واذا في شي موضوع العنوان تاعه جذبني وبس
شو الصفات اللي بتكرهها بالانسان
الكذب
والصفات اللي بتحبها
الصدق
شو حكمتك بالحياة
كبري عقلك يا بنت 
شو هيي صفات رجل احلامك
الصدق اهم شي
اذا ربحت مليون دولار, شو بتعمل فيها؟؟
من هون لاربحها بيفرجها الرب..بس اكيد رح اتبرع بشوي منهن..والباقي بصرفو حسسب الاولويات
انت سعيد بحياتك وليش
اي سعيده..ليش ما كون سعيده يعني؟!؟
اذا لاء كمان ليش؟
.اذا فشلت بتحقيق حلمك شو رح تكون ردت فعلك؟
عادي برجع بجرب ..
وشو هي اكتر مادة بتكرها و كمان ليش؟
رياضيات من غير ليه
هل بتامن بالابراج ؟ و علل جوابك
بقراهن للتسالي بس
هل بتامن بالقدر؟ علل جوابك
تقريبا
هل بتامن بالسحر و المشعوذين؟ علل جوابك
بالــ2008 صار لازم بقى ينلغى هالسؤال..اكييييييييد لا
عرفلي البيروقراطية والديكتاتورية
بوجهك عالمنبر..فيو موضوع تعريف مصطلحات بفيدك
شو اكتر شي بيعصبك؟
الكذب
شو اكتر شي بيفرحك؟
حضن امي
شو رايك بقضية الشرق الاوسط؟
قضيتهن قضية
شلون تعرفت على أخوية ..؟
عم بحبش بـ غوغول عن مدري شو
شو هدفك بالحياة ...؟
النجاح بصدق وامانه ...واعمل عيله صغيورة كل العالم تحسدني عليها
مين أكتر أعضاء بتقارلون بالأخوية ..
كريم الله يفك اسرو وحاليا حسام وياس
كم اخ و اخت عندك؟
اخت وحده
مين من اخواتك هوي المفضل عندك وليش؟
شو هوي فيلمك المفضل وليش؟
ما كتير بتابع افلام
مين ممثلك المفضل وليش؟
قيس شيخ نجيب بيجنن هالصبي 
شو اكتر شي بتحبو بالحياة وليش؟
الفريزززززززززززززززززز
شو امنيتك بالحياة؟
النجاح
شو ناوي تدرس؟
شو أكتر معادلة كيمياء حفظتها بحياتك؟
شو أحلى قصيدة مرقت معك؟
في قصيده قديمه كتير حبيتها لما سمعتها ومو قادره اتذكر منها شي
شو درس العلوم المفضل يلي حفظتو؟
مابعرف
شو حدود سوريا الجغرافية؟
الجنه من الغرب..الجنه من الشرق..الجنه من الشمال..الجنه من الجنوب..وهيي بحد ذاتها جنة الله على الارض
شو طبيعة لبسك : سبور -فنكي -رسمي ؟
سبور
شو اكتر موقف محرج صار معك؟
كنت بسفرة شغل عالكويت..وتعبت كتير كتير اجتماعات طول النهار .. وكنت لابسه كعب ومو متعوده.. اخر النهار شلحتو من رجلي ... واجينا نتصور صورة جماعية ونسيت البس برجلي وطلع شكلي بفطس من الضحك
بتعتبر حالك ن الناس ياللي بيحكو كتير؟
لا
شو اكتر اسم بتحب للشب وللبنت؟
للشب رامي ... وللبنت ريم و ندى
مين قضوتك بالحياة ؟
حالي
شو رأيك بالطفولة و الولاد ؟
حبابين لعمر معين
مين أعز شخص على قلبك و ليش ؟
ما في حدا "أعز" كل واحد الو تصنيف وترتيب ...
إذا كنت على طرف جبل و لا سمح الله لا سمح الله شخص من عيلتك متعلق بإيدك اليمين و حبيبة القلب بالإيد التانية و مدندلين لا سمح الله يعني و مافي ترفع غير واحد صحي أنت قوي بس هلق مافيك تساعد غير واحد مين بتساعد ؟
بتركهن هنن التنين
شو أحلا أيام حياتك؟
يوم التخرج
شو الحياه بالنسبه إليك؟
طلوع ونزول 
شو بنظرك بياثر اكتر دموع الفرح أم بسمة الفرح؟
دموع الفرح 
شوالشي الذي تتمنى أن يرجع؟
جدي الله يرحمو
موقف صار لك ولا تقدر تنساه؟
سر
شو أفضل لديك بمراحل النمو هل هو الطفوله ام المراهقه ام الشباب أم الشيب؟
كلو الو مميزاتو
زيت المقلاية عم يحرقك شي؟
ازا اضطريت انو تختار بين تتين من رفقاتك شو بتعمل
ما بختار
وبالتوفيق
