[Syrian Gay]

كاتب النص الأصلي : راديا

هلق سيرين بما انك واضع هالموضوع بدي اعرف شو بتحس انت و انت تحت هالحلاة ؟هل بتعتبرا حالة زائلة او رح تضلا ملازمتك للابد ؟
وهل فيزيولوجيا انت شب يعني ....؟او بس شب بس مو شب مية بالمية ؟
و شو بيجي ع بالك مرات ؟و شو هوي الفرق بينك و بين غيرك من جنسك الذكوري اكيد؟
اسئلة كتيري بتمنى منك تجاوبني عليها...
و شكرا الك...

حالة غير زائلة .. بعتقد رح تضل معي لأخر العمر "للأسف" لأن ما بتعرفي شو معناه انو قسم من العالم بتكرهك بس كرمال ميولك .. مع أنو مو أذيهون بشعرة ..
فيزيولوجياً انا شاب كامل الأعضاء .. هللا يللي بيشوفني بيشوفني كامل .. بس أنا داخلياً بحس ماني كتير كتير كامل متل كل الشباب .. وكمان ماني بنت .. ما بعرف شو شعوري داخلياً .. غريب ما بقدر عبّر عنو ..
شو بيجي ع بالي ؟ بيجي ع بالي اتزوج بنت مع أنو ما بقدر ولا شكل من الأشكال بس بحب أني اعمل خطبة وعرس وطنة ورنة شهر عسل وعزايم وعالم رايحة وعالم جاية .. لأن مثلا لو تزوجت من نفس جنسي فهل الشغلات كلها ما رح تكون موجودة .. بس أكيد ما رح أقدر أتزوج بنت ..
والفرق بيني وبين الذكور أنو طريقة تفكيري مختلفة نهائياً عن تفكيرون .. وكمان طريقة تفكيري بتختلف عن البنات .. يعني تفكير مستقل ..
وياهلا ..

كاتب النص الأصلي : راديا

و هالوضعية اللي انت فيا ممكن انو تسندها لاصحاب الجنس التالت ؟؟؟اللي معبايين البلد ؟
هالحالات زمان ما كنا منسمع فيا هل ساعد بظهورا التطور العلمي او الحضاري ؟.بمعنى موضة شي من الفاشن الجنسي ....؟؟؟

شو قصدك بـ معبايين البلد ..
الجنس التالت هو الجنس المثلي .. يللي كتير عالم بيكون عندها افكار خطأ عنها وهالشي بسبب قلة الثقافة الجنسية .. مجتمعنا هون بيدمج بين الاغتصاب والدعارة والمثلية والشذوذ (الشذوذ مختلف عن المثلية) ..
اكيد زمان ما كان تسمعوا بالمثلية ع اعتبار ما كان في طريقة اتصال بين المثليين تكون سرية نوعاً ما متل هالعصر .. فكل واحد بيحس لحالو .. وكان المثلي بيتضطر يتشاطر الجنس مع غير مثليين "مو اغتصاب طبعاً " بس هالشي اختلف وصار المثليين بيتشاطروا الجنس بس مع مثليين لأن وسائل الاتصال صارت كتيرة و سرية .. وكمان بالنسبة لمجتمعا فالدين والعادات كان بيخلي الشخص ما بيقدر يفصح عن ميولو .. بس نوعاً ما بعد تحرر مثليي الغرب بعد كفاح طويل وسهولة الاتصال مع الغرب بدأ هالشي يتحرك بمجتمعنا ..
وهالشي يللي بيخلي الغير متقبلين يقولوا انها بدعة او موضة جديدة ..



*حكينا حكي اجتماعي .. وبعتقد هالموضوع علمي ..