[أم الجود]

كاتب النص الأصلي : butterfly

فخامة السكادا .. هي الذذ واهم واهضم واجمل وأكثر بارفان أنثوي بالعالم ...

اي واللــــــــــــــــــــه حضارة ...

كاتب النص الأصلي : butterfly

بس في عندن مشكلة جدية ، أنن بس يطلعو رقم موديل جديد .. بعد فترة الموديل القديم .. خلص بتفتلي عليه بح ما عاد بتلاقيه ..

ذكرتيني بمأساتي
يا ستي من شي 9 سنين كنت بسفرة لإيطاليا و هيك صبية و بأول طلعتي و قضيت كل جولات الشوبينغ بهالسفرة بمحلات البارفانات و أنا عم بخبخ و شمشم (و يوجعني راسي) على أمل انو لاقي بارفان أصلي و ابن عالم و ناس و على ذوقي لأشتريه ، يعني مو هدية نجاح من شي حدا ولا تركيب هات ايدك و لحقني (و أنا معي شقيقة -صداع نصفي- من و عمري 10 سنين و الروايح الزخمة ما بتواتيني بنوب لهيك ما فيني حط حايلا بارفان) المهم بلا طول سيرة قبل ما ايأس بشوي ، وقعت على اكتشاف هالتحفة هي





الاسكادا سبورت و انلحس عقلي لحس بالخضرا لدرجة اني أخدتا عالكايس دغري و من دون ما شاور عقلي إذا سعرا مناسب ولا .. و فعلاً كانت شغلة عظيمة .. تخيلي انو أمي قد ما حبتا صارت مرات تغافلني و ترش منا مع انو ريحتا خرج صبايا و مو ستاتية بنوب ، و قد ما حبيتا و صرت رشرش منا عالرايحة و عالجاية -أنا و أمي- خلصت اوام و كانت الصدمة الكبرى انو ما في منا بسوريا


و هداك يوم و هاد يوم .. وصّيت كذا حدا من معارفنا اللي عايشين برا .. لا تندهي ما في حدا
حتى لما طلعت لفرنسا دوّرت عليا كتير بس عبث .. و لهلأ كلما بدخل على محل بارفانات أو عالسوق الحرة برجع بعملي تطليعة سريعة على رف الاسكادا لعلّ و عسى ...
و من بعدا استعملت كذا ماركة متل :



DAVIDOFF COOL WATER


NOA - CACHAREL


و حالياً عم بستعمل بارفان كتيـــــــــــر حلو و مين ما شمّو بيحبو و بيسألني عنو و هو


ALIEN - THIERRY MUGLER


بس هلأ هلأ إذا برجع لاقي الاسكادا سبورت الخضرا بشتريها عالحارك و ما بعود بحط غيرا