[nahla12]

كاتب النص الأصلي : mblue

ترجم 'ازا' بتغضر

أول ما جهجه الضو ، اجا يوسف ليشطف البيت ، منشان البق ، سكّر باب الصئاء ، شلح الشحاطة منشان ما يجقجق ، و جرجر الكراسي و شئوفة الزريعة ، تكتك شلون بدو يشطف ، بحبش شوي ، دندل الزنبيل و شقل المي من الجب ، سخنا عالنار لبقبقت و بربقت ، و كتا بالحوش الجواني بالطاسة لانو ما عندن قسطل و صهريج و خرطوم ، و دعك الارض منيح من الزفر لانو دبقة ، فك الكمر ليترحرح و شلح الشلحة ، منشان ما تتشحور ، و شلفا وراه ، و فشّخ فوق المي ، و دقّر شوي ، و بعدين نط ، تفشكل بكومة دف ، و انطبش جواتا، طبشة قاتولية ، و انجرحت ايدو واوا ، حشّك ، و بعق و جعّر آخ يا يامو ، يا يابو ، اجت امه وبإيدا الطواية و الشمشاية ، و قالتلو يي يي ، ليش عبتحركش و تنكّش ، متل البوبو ،كنت امسوك الدربزون ، اش معمصة عيونك و مفشفش ، بروك عالبرطوش ، و تلقح عالزيق ، و حاج تطرطق و تفرتّك ، دحتّه دحة، و جابت لو شقفة شرشوطة و ربطتا ، بعد ما خسلتا بالمي ، و طرطشت تنورتا ، و قالتلو قوم تغندر ،

هادا كلو لقش ولعي حلبي

ههههههههههه كتير كتير حلووة احلى لهجة بربي
جهجه الضوو......طلع الضو هههههههههههه حلوة كتير هالتعبير بحلب
الكمر هههه هاي الكلمة من زمان ماسمعتها المهم معناها الزنار او القشاط تبع البنطلون
حشك ....... يعني سبسب بكلام من الزنار وتحت
الطواية ......... مقلاية
بروك ......اجلس
الزيق ........حفة
خسلتا.........غسلتها
شرشوطة ........ قطعة قماش تشق باليد لربط شي ما.......
طرطشت ........طرشت تيابها بالماء او اصابهم البلل
دحته ........... دشته او ضربته على ظهره
البق .......الناموس
بتغضر ,,,,,حلوة كتير بحب هالكلمة المهم معناها مممممم هل تستطيع
مابعرف لو كنت غلطاني يصححولي الحلبية