[krimbow]

مرحبا سبايك
رح كمل رأيي هون

طيب اذا عفينا عن الماضي خلينا نفكر شو بدو يعمل هالزلمة حاليا خاصة وانو صرح بانو راح يرجع للحياة السياسية؟
برائيي في قدامنا عدة خيارات
1- و هو دعا للوحدة الوطنية كمان اذا اجا على شكل معارض فلازم المعارضة تستغل هالموقف لانو راح مجيؤ يعزز موقفا(بالسياسة الواحد لازم يستغل ي موقف حتى لو كان من الشيطان)

4-اذا كان جاي بهدف دعم الرئيس ليصفي المافيات المستلمة الحكم عمليا ويلي عم تضرب بالرئيس من ورا وهو مانود وقفا لحالو(لا تنسو باسل يلي انقتل وقت قرر يصفيون يعني لشباب مو هينين) فيعطي العافية بس يضل بعيد عن اي منصب حساس او ما يصير هو يلي بيتحكم بالرئيس

المشكلة هوي الفرق بمفهوم المعارضة
يعني هوي معارض انو الخدام و طلاس و دوبا يسرقونا لأنو بدو هوي يسرقنا
اما نحنا منعارض انو اي جدا يسرقنا يعني اذا مشينا معو منكون انتقلنا من تحت الدلف لتحت المزراب
افترض انو رجال رفعت بالتمانينات انتهكوا عرضك بأمر منو (فهمت عليي شو بقصد) انت رح تسامحو هلأ
يللي عملو حافظ انو رمانا بالمعتقلات و شرد ولادنا او خلانا نتشرد لأنو حبس اهالينا
اما يللي عملو رفعت العن بكتير
انا بتنازل عن حقي الشخصي بالثأر بس كيف بدك ياني اتنازل عن حقوق عائلتي؟ أو جيراني؟ او مدن بأكملها؟

2-انو لي قتلون كانو ارهابيين و بيهددو امن البلد

عن جد؟
هلأ ناس مخباية بالجامع الاموي ما معها رغيف خبز هدول ارهابيين صاروا؟
بعدين شو هالمنطق انو اذا الواحد ارهابي بيحقلو يقتلو؟
لكان لشو سجن تدمر و المزة و صيدنايا؟ شو جهنم بالدنيي و جهنم بالآخرى؟
حتى لو كانوا بيهددوا امن البلد (ع اساس هوي ما خربها للبلد يعني ) في شي اسمو محاكم
حكالي واحد انو كانوا جماعتو بحلب يحاصروا بيناية بالدبابات و يزيعوا بمكبر الصوت " اذا ما طلع فلان الفلاني خلال خمس دئايئ رح نهد البيناية" و ياما صارت و نهدت بنايات كرمال واحد ارهابي
هون بدي اسألك مين الارهابي ؟

3-اذا كان جاي يعمل دعايات لحالو منشان الشعبيحبو فوقتا اذا استلم الامور بيكونالحق على الشعب وحدو

ما فهمت عليك
بس حسب ما فهمت مزبوط كلامك
بس اذا صار في ديمقراطية و عدالة يللي متل رفعت ما بيحقلو يترشح حتى لو هيك الشعب بدو لأنو مجرم بحق الجيل السابق ع القليلي

ما تزعل شريك نحنا عم نتحاور
الله يلعنو ميت مرة لأنو تعبك