[krimbow]

انا مو سورية بس ليش لا شو عمل

ما في شي ع سلامتو

نحنا ناس مفتريين و عيوننا ضيقة

اذا عن جد ما بتعرفي رح حط بالتفصيل العمايل المنيحة و العمايل البشعة
رح بلش بالعمايل البشعة (لأني مفتري)
1 سرق آثار جبال القلمون و حوران و باعهم بالمزاد العلني و اشترى بالمصاري نفق المانش
2 اعطى رجالو اوامر انهم يعتدوا ع السنيات و يشلحوهم الحجاب غصبن عنهن
3 ساوى مجزرة صغيرة ابو 200 300 قتيل بالجامع الاموي (ما وفت معو)
4 في عنا منتجع حلو اسمو سجن تدمر العسكري، حرام السياح يللي هنيك كانوا ماللين من الروتين اليومي تبع الفلقات و هيك اشيا (الله لا يدوقها لبني آدم)
و من كتر ما قلبو كبير فتح بواب المنتجع و قللون "حبيباتي هربوا اذا بدكم" و لحتى يشجعهم قام قللون (يللي بدو يضل بدي طعمي خـ**) (ع فكرة ما كان عم يمزح او يشبه يعني كان عن جد رح يطعميهم ياه عن جد عن جد)
و هدول السياح بيعرفوا طعمة تمهم قاموا فعلا صاروا يهربوا (ما كلها موتة، يعني الشغلة مو حرزانة الواحد يفكر ياكل خـ** و اللا يهرب)
و لما هربوا طلع عليهم بالهليكوبترات وصار يرشهن (بالمي مشان يبوردوا)
5 في عنا بلد قديمة شوي اسمها حماه حب يجدد الديكور تبعها قام هدها.......... بس ع روس يللي عايشين فيها

و باقي الشغلات مو حرزانة الواحد يكتبها لأنو غيرو عاملها بس يللي فوق لسا ما حدا سبقو عليها (يعني خرج نحطو بغينيس)

اما العمايل المنيحة:
1 وحد العهر الباريسي مع الفسق العربي (بيندرج ضمن حوار الحضارات)
2 طور الكرسي الالماني و لغى السوط و استبدلو بالكبل الرباعي (توفيرا بالنفقات..... بعدين الكبل بيعطي نتيجة افضل)
3 دعا للتسامح بين الاديان (ما بتفرق عندو اذا مسيحي و اللا مسلم كلنا متل سنان المشط عندو...... بغرف التعذيب)
4 حاول انو يرجع يفتح الاندلس من جديد بس ما طلع بايدو قام اشترى شاليه صغيرة بماربيا ............ مدري اشترى ماربيا كلها مابعرف (طبعا من شقا عمرو و عرق جبينو) بس عند yass الخبر اليقين لأنو هوي مندوبنا هنيك

ما عدا يللي مكتوب فوق كل شي بينقال عنو حكي عدوين لا تسدئي منو ولا كلمة