[Hus]

عفوا اتاخرت بالاجابة بس هلق صحيت ..

إذا كنت مزعوج من موقف ما ومتضايق وبدك تفش قهرك لمين بتشكي همك ؟؟؟

انا يا مان لحالي هون .. عندي اصحاب كتير واصدقاء كتير .. بس مو من النوع الي فشلون قهري .. او احكيلون بهيك شغلات ..
بس عموما انا قليل كتير كون مقهور كتير او متضايق كتير نادر جدا يحصل معي هال الموقف ولو حصل ما بحس برغبة اني فش قهري او احكي لحدا .. انا انانني بمشاكلي

اي خيو اذا اجت لعندك بنت لا بتعرفا و لا بحياتك شايفا وقالتلك انا بحبك
شو بتعمل بساعة وقتا

اذا كان الموقف بهال الكوميدية هيك ..... اجت ..... ما بعرفها ..... قالتلي بحبك .....
رح كون كوميدي كمان .. يا بضربها كف كوميدي متل موقفها الكوميدي هذا .. بس ما فيني جابك بدقة كيف ممكن اتصرف بس بعتقد انو حيكون كمان ردة فعلة مبنية علي هيي البنت .. هلق لو ما بعرفها بنوب وكانت حلوة الصبية باخد الموضوع تسالي وتخويت و بقلها وانا بموت فيكي بعبد الله الي خلقك .. شو عاملي المسا ..؟ :P
مان انا ما بحب المفاجأت .. واكيد حتكون ردت فعلي سلبية بهيك موقف ..

أذا كان عندك رفيق بالمدرسة و ما كمل تعليمو بعد البكلوريا طلع وشتغل مهن حرة
ومرة أنت كنت ماشي مع شلت بنات وشباب كلهم بالجامعات وشفتو بتسلم علي ولا بتخجل

حلوي اب عضل ... اي مان لاء اكيد بسلم عليه و بحرارة اكتر من العادي ...
انا عندي كتييييييييير اصحاب ما مخلصين جامعات وعندي كتير اصحاب بدو .. لاء وفي شخص (عبد المحسن) من اعز اعز اصدقائي بدوي (من قبلية الفواعرة كمان).. و اتعرضت لهال الموقف مرارات كتير لانو اصحابي هدول بطلع وبدخل معون بس ما انا الي كنت انحرج كان صاحبي الي معي لما يحصل هيك موقف هوي عادا ينحرج ما بعرف ليش .. بس هيك كان يصير
انا لسبب غير معروف (عندي) كان عندي ميول من صغري تجاه الاشخاص المهمشين او الي بيعتبرهم البعض اقل وادنى لاي سبب كان حالة اجتماعية ارث ثقافي انتماء عائلي .. اي شي .. وكان على مر السنين من المدرسة علاقتي بهال الاشخاص قوية جدا على خلاف كل اصدقائي الاخرين والي كانو يسخرو مني من صحبة هال الاشخاص !!

هااي شو اكتر شي بتحبو بالبنت من جوا (الشجصية) و من برا (الشكل الخارجي يعني)

سواء سهل كتير .. اكتر شي بحبو بالبنت الزكاء .. من جوا .. ومن برا بالشكل يعني (صعب قلك) :P
بسبب او سوالك اكتر شي (يعني لازم حدد شيئ واحد ) بقا جاوبت الزكاء .. يعني انا بحب الحنّية الفهم الانفتاح المنطقية الدلع الهضمني (بموت بالبنت المهضومة) و كتيييييير كتير شغلات ,,, بس كلمة زكاء بتشمل كل هال الاشياء لانو الزكية حتفهم انا شو بحب وتقدر تعاملني او تتاقلم بشخصيتها على هوى انا شو بحب (بشخصيتها الداخلية وحتى شكلها الخارجي )

اذا قالولك اتمنى ثلاث أمنيات شو بتختار؟

كتير سوال صعب .. بس مندون تفكير فيني قلك بتمنى كون سعيد وكون سعيد وكون سعيد .. وهاي منتهى وتشمل كل امنياتي ..
سعييد بمعنى السعادة مو بسط مؤقت .. وهال الامنية اصعب امنية لانها بتشمل المستوى الاجتماعي وسعادة اهلي واصدقائي فهي من سعادتي وووووووو كتير شغلات تانية

بصراحة مين عدوك بالحياة .؟؟

شو القصة .. الاسألة كلهم صعبين ..... اي اشد اعدائي الجهل .. والغباء مع بعض لانو عادا الجهل والغباء وجهين لعملة وحدة فصعب تلاقي زكي وجاهل وصعب تلاقي غبي ومتحضر ومثقف وفهمان ..
هني الحقيقة مو اعدائي لكن بكرههم .. للاسف نقطة ضعف عندي ما بقدر اتعامل مع شخص جاهل او غبي ما بقدر حتى احكي معو حديث عادي ..

كم مرة حبيبت او صاحبت بحياتك
سوال2
ايمت اكتر مرة حسيت حالك بين قوايا وعم يستفوك وما عم تقدر تعمل شي ماضروري كون عم اقصد القوي العضليي

خيو ليش الاحراج !!!!! طيب بالنسبة للسوال الاول .. السوال بالبنية غلط .. حبييت غير صاحبت .. فممكن اتصاحب وتكتشف انك ما بتحب المخلوقة وممكن اتحب المخلوقة وتتكتشف انك ما فيك اتصاحبها ههههههههههههه
بس عموما انا حبيت حب حقيقي كتير مرات بحياتي .. حبيتك وحبيت الماما واخواتي واهلي واصحابي ,, وكلون بحبون كتيييييير ..
بعرف قصدك عن الحب تجاه وحدة وهيك ... طيب ...
حبيت حب حقيقي حقيقي هيك بيجوز مرة وحدة .. وصاحبت .. عدة مرات بينعدو على اصابع اليد الوحدة او فيك اتضيف كام اصبع من الايد التانية مو اكتر ..
بالنسبة للسوال التاني .. يا اما ما فهمتو مظبوط يا اما ما حسيت حالي بهال الشعور مسبقا ..
---------------------

هلق بزهني عدة اشخاص استدعيهم حضورا للمثول امام محكمة الاعضاء ويسالوه الي بدهم بس ما عم يدخلو كتير .. وما بدي نعطل اللعبة فترة كبيرة .. حستدعي nana
للمثول اما محكمة الاعضاء .. حضورا و ابتدي بالاستجواب
لو كنتي ماشية بالشارع وشفتي واحد عم بيلطش وحدة ماشية قدامك شو بتكون ردة فعلك