للقضاء ع البطالة لازم نتوجه للصناعة و التجارة الخارجية (التصدير)
حاج الناس عم تاجر بالعقارات او بالسيارات...! يعني هاي اسوأ ظاهرة ممكن شوفها!!!!
اصلا لازم بالمدرسة يكون في مادة تشرح هالامور مشان الناس تتنور... شو الفائدة من الدراسة اذا ما في استثمار لهالعلم؟؟؟ لازم يخترعو مادة جديدة اسمها تخطيط و مشاريع مثلا.... حاج ماشيين بس مشان نمشي لا نحنا منعرف ع وين ولا في راعي يوجهنا!
انا برأيي من الضروري انشاء وزارة تخطيط و مشاريع لتنظم شركات جديدة منتجة واختراع قوانين ضابطة الها...
شو يعني شركة؟؟
الشركة يعني عدة شركاء يحطو خطة عمل معينة...
شركاء ان كانو (من اصحاب عشرات الملايين) ام (من اصحاب الملايين القليلة)!....
لانو ايد وحدة ما رح تصفق!!
ببلدنا كل واحد بيفتح حانوت او بشتري شقة وبتاجر فيها!!!!
بدنا مشاريع أكبر مشان نشغل فيها الناس..... وخصوصا صناعية... لازم نتوقف عن استيراد ما يمكننا تصنيعه عنا.... و نحاول نصدر كمان...
لاتنتظرو الدولة..... لأنو الدولة حاولت بس فشلت كل شركاتها!! وما رح نوقع بالجورة مرتين... يعني مو معقول الدولة توظف الناس بشركات فاشلة..يا شباب هاد حل مؤقت.. هاد مو حل ... هاي حبة مسكن والمرض رح يستفحل ويزيد...
هل الموظفين بالقطاع العام مو عاطلين عن العمل؟ لا سيدي كتار منهم متل قلتهم !! فعن اي عمل عم نحكي؟؟؟ التوظيف العشوائي يلي كان عم يصير غلط, و لا يصح الا الصحيح.
و انا شايف انو الدولة عم تشجع القطاع الخاص كتير.... ولا انا شايف غلط؟
|