اقتباس:
كاتب النص الأصلي : Nay
ممكن يا ترى نشوف الفيلم بدمشق بالفترات اللي جايي..
 الك ايهم |
بتمنى لو ينعرض بدمشق, بس من فترة قريبة قريت خبر انو هالفيلم بسوريا ممنوع وهالشي متوقع لانو الفيلم سقفو عالي كتير بالنسبة للوضع الحالي بسوريا, يعني اذا مسلسل متل غزلان في غابة الذئاب اعتبروا عرضو على شاشة التلفزيون السوري خيانة و تجاوز خطوط حمر, شلون ممكن نتوقع يسمحوا بعرض هيك فيلم؟
صورة السجين السياسي اللي عم يحاول الفيلم يقدمها بطريقة انسانية هي تماما عكس صورة السجين السياسي اللي دائما بتحاول السلطة تثبيتها براس الانسان السوري, صورة شيطانية لانسان خائن عم يطعن بلدو من الخلف بينما الصورة الواضح انو الفيلم عم يحاول يقدمها هي صورة الانسان صاحب المبدأ اللي مستعد يضحي بعمرو كلو ولا يتخلى عن المبادئ اللي بيؤمن فيها.
مشان هيك ماني متفائل للاسف بقصة عرضو بدمشق, باحسن الاحوال منلاقي بعد مدة على اليوتيوب او بشي موقع على الانترنت.