[krimbow]

لك ولي عليك شو بتضل مطاليبك ما بتخلص .... صحي بني آدم ما بيعبي عينو غير التراب

اخي بصراحة انا ما بقدر انسب لنفسي شغلة اني ناقد ادبي و بتخيل كتير ناس متلي ... بقا شو بتريدني اكتبلك موضوع انشا متل تبع الصف السابع؟.؟؟؟؟؟ تكرم عينك

اخي باختصار القصة مؤثرة و معبرة عن الواقع الاليم يللي عاشتو نيكاراغوا و عن ظلم السي آي اع و الامبريالية

و كمان لقيت بالقصة كذا صورة انطباعية و تعبيرية بس ما لقيت و لا صورة تشكيلية او تجريدية او فوتو كوبي

و من حيث العواطف يعني و الله العواطف كتير جياشة قومياً و جنسياً على كل الاصعدة المحلية و الاقليمية و الدولية

و من حيث المشاعر الدينية ................. انسى
اما باقي المشاعر فاختلطت بين الحزن على كل يللي اندعس ع راسهم بسلم الترقيات تبع الواوي و الفرح بارتقاء الواوي اعلى المناصب
و كمان لاحظنا مشاعر اصطهاج بمؤخرة رمزية ... الرمزية ........ مع رشة فلفل

و العبر المستنبطة و المستخلصة بالطرق الاستنتاجية و الاستقرائية فكانت التالية :
لو دامت لغيرك لما وصلت اليك
كل يغني على ليلاه ... و انا على ليلي اغني
معك فرنك بتسوا فرنك ... معك شنتاية ..... انت ملك

روح ولاه التعى قلبي